五香豬扒 + 忘不了旺菜 ( 2-JAN-2020 )

( 2-JAN-2020  THU )

我同里奧大人都瞓得唔係咁好呀   可能飲咗杯綠茶   感恩起身都精神呢 ~      

新嘅一年第一日番工   所以同里奧大人一齊食早餐 ~

我同里奧大人講話第時會朝朝都同佢食早餐   佢話唔好啦   頻頻樸樸咁辛苦   之後我韶話講笑咋   梗係唔會朝朝都咁啦   佢即係話幾驚妳真係朝朝係咁呀   哈哈 ~

今朝食飽啲   因為我 Lunch 食 Flakes ~

菇場忙呀   咁就好喇   時間過得快啲 ~

2020 年新開始



今年用蠟筆小新月曆   里奧大人話估我唔到   哈哈哈哈   

成功批核 AEON 卡   就有呢隻 Chopper 杯   真係好感恩   因為本身都要買隻保暖杯呢   

Lunch Time 未餓   所以出去一田買嘢   諗住買條黃蘿蔔   點知得切開嗰啲   最後買咗旺菜   再買支湯底同埋一個烏冬比里奧大人就走喇 ~

日本旺菜 ($18.6)   我覺得抵呀   以前 AEON 買就抵   依家阿 mi 話已經貴哂喇 

今次食半杯 Flakes 就夠了

番到菇場都 1 點 10 分   即刻開餐   其實都仲未餓   不過點都要食啲嘢 ~

要做長命 Report   話咁快就放工   我都想快呀   比對眼抖下 ~

放工即走   番到屋企都預備晚餐喇 ~

里奧大人 6 點半放工   太耐無煮嘢   所以要啲時間   里奧大人番到嚟都要等陣先可以食飯 ~

是日晚餐 - 五香豬扒 + 忘不了旺菜

五香豬扒 - 上網睇就咁焗都好味道   咁我又學啦   點知焗完出來完全唔覺得係脆嘅跡象   同埋豬扒啲蛋漿仲痴喺塊豬扒度   激死我   所以最後要加番啲燒汁落鑊炒   之得一早用鑊煎啦   諗住懶洗鑊   依家變埋洗鑊同埋洗焗盤   仲要浪費咗 25 分鐘焗嘢添 ~

忘不了旺菜 - 一田買嘅旺菜都好清甜   但因為加咗忘不了   所以辣味掩蓋哂甜味   哈哈 ~

洗埋碗就抖陣   8 點幾出去徑步   今晚仍然徑 20 分鐘   之後再去買 Flakes 就番屋企喇 ~

沖埋涼就開機洗衫   之後休息喇 ~

我同里奧大人講話我成日買嘢比佢食   話佢真係好似無買過嘢比我食喎   我唔舒服又無人煲嘢比我飲   不過咁   佢啲同事比手信零食佢呢   佢一定留比我   話同佢 Share 都唔會食   知我鍾意食   哈哈 ~ 

熊本熊腐皮烏冬碗麵 ($13.9)

萬字濃縮醬油味火鍋湯汁 ($26.9)

今晚 11 點都即瞓   要補眠呀 ~