靠得住 @ 九龍灣 ( 14-JAN-2020 )

砂鍋雲吞雞 ($98) - 好香雲腿味呀   但里奧大人話唔覺   可能佢無飲啖湯

客家梅菜扣肉 ($53) - 梅菜無咩味喎   但扣肉就好正喇   肥膏係溶哂㗎   忍唔住食咗一塊   FAT DIE ME

菜飯

( 14-JAN-2020  TUE )

尋晚半夜發夢   係咁夢見自己發燒   點知扎醒咗   我成個身真係好慶呀   係辣手咁   但個人又好鬼凍喎   真係似發燒咁呀   之後叫里奧大人摸下我   佢話我全身滾熱辣呀   但我額頭又唔熱   應該唔係發燒喎   佢叫我食粒 Panadol   但我唔想起身食呀   之後都瞓番 lu ~

我都後悔同里奧大人講發燒   因為佢一定會瞓得唔好   會成日摸下我呢 ~

佢起身都即摸我個身   好在無咁慶喇   之後佢都話瞓得唔好   驚我有事   摸咗我幾次   但我完全唔知呀 ~

今朝同佢食早餐   食完就番工 lu ~

菇場唔太忙   不過我唔係咁舒服   應該扁桃腺發炎啦   一按就好痛呀   今晚要睇醫生了 ~

Berry 瞓到咁係咪凍呀 ?!   咁樣睇對耳仔好似細隻咗咁喎   好耐無見佢   勁掛住佢呀

Lunch Time 諗住出去買啲熱嘢食   但又好攰咁   所以食兩件馬仔同藍莓紫薯五谷粉就算喇 ~

個人比較攰   好在無咩嘢做咋 ~

放工即去睇劉醫生   估唔到一去到就有得睇 ~

我同醫生講話扁桃腺發炎   佢話我喉嚨紅咗但就無膿   之後開抗生素比我   咁其實我唔係咁想食抗生素   因為食完個胃唔係咁舒服   咁問佢係咪一定要食 ?!?!   佢話呢個世界無話一定唔一定   咁我諗下點啦   佢又重覆講咗 2 次呢個世界無話一定唔一定   好似好激動咁   又話啲人好鍾意左揀右揀喎   咁我話食抗生素啦   佢又問我仲有咩唔舒服   我話周身骨痛囉   之後佢就好悔氣話呢啲無藥食   (即係話醫療卡只係得一種藥咁嘅)   我心諗都痴痴哋   又係妳問我仲有無其他唔舒服嘅 ~

睇完醫生就去淘大行陣   里奧大人 6 點幾就到喇   咁去靠得住食晚飯 ~

食完都番屋企喇   沖埋涼就休息   都唔開機洗衫喇   個人好似好攰咁 ~

里奧大人尋晚瞓得唔好   所以佢 9 點半都瞓喇   我就 10 點半先瞓   因為要食埋藥呢 ~