臘味飯 + 菜心苗 ( 17-JAN-2020 )

第一次加蔥花撈勻食   估唔到好好味呀

( 17-JAN-2020  FRI )

今朝聽唔到鬧鐘響   但知道里奧大人已經吹緊頭   咁我都起身啦   原來只係 7 點 25 分   里奧大人話佢 7 點 10 分已經醒咗   咁寧願早啲搞掂哂   早啲番公司做嘢 ~

我尋晚都係咁發夢   好記得發夢係喊醒   夢見有個女人話我喺露台同三隻貓仔玩   嘈住佢   之後三隻貓仔唔見咗呀   我企喺露台大聲喊呀   個女人見到我喊   佢個樣都好替我慘咁   之後我放聲繼續喊   喊到抖唔到氣   所以醒咗呀   其實我當時真係抖唔到氣咁呀 ~

早餐食芝腿治烘底   今次係兩塊芝士   真係濃味好多 ~

咁我影完相張就會整番好件芝腿治   阿姐突然放低個膠袋比我   我以為佢放錯   佢話係比我㗎   以為我擺得咁整齊係拎走   哈哈 ~

平時茶記有個食客   佢見到我都會打招呼   但我成日直衝入茶記   所以好多時係坐低先見到佢   咁今朝又係咁   我放低個袋就再行去同佢打招呼   之後佢係都要我同佢一齊坐   因為坐一邊卡枱係好迫   我又有背囊嘛   感恩對面個食客都食完   可以讓位比我坐呢 ~

一路食一路傾   傾到 8 點 50 分都要走喇 ~

菇場唔忙呀   西瓜又上大陸   無人行來行去真係勁爽呀 ~

Lunch Time 去整番條鎖匙   搞掂哂就買牛什米番菇場食   好想食熱嘢呀 ~

菇場仍然唔忙   放工可以即時走 ~

番到屋企就預備晚餐   之後拖地   抖多陣就煮飯   里奧大人差唔多 8 點先番到屋企   可以即開餐喇 ~

是日懶餐 - 臘味飯 + 菜心苗

臘味飯 - 一心諗住整煲仔飯   但落得水唔多   所以啲米索哂水   但啲飯係唔熟囉   咁唔係辦法   唯有即拎起哂啲臘味   再加啲水再炒飯啦   要炒熟佢   之後再放番啲臘味上飯面   諗住再試下整唔整到飯焦   不過都係無囉   激死我   里奧大人知我唔開心呀   佢話無飯焦仲好   無咁熱氣 ~

菜心苗 - 食剩半斤   今晚一定要食喇 ~

洗埋碗就開機洗衫   沖埋涼就休息 lu   食埋今晚藥就食哂   希望好番啦 ~

今晚睇 Youtube   又睇到 12 點先瞓 ~