麻辣手撕雞 (外賣) + 蟹柳蘋果粟米沙律 ( 3-JUN-2020 )

( 3-JUN-2020  WED )

尋晚發夢同里奧大人去旅行   但我 Book 錯地方   仲要 5 日 變 2 日   同埋個夢接觸咗好多人   有啲人都幾恐怖 ~

感恩係我雖然發夢   但總算係一覺瞓天光   里奧大人問係咪瞓得好呀依家 ?!   我話真係喎   同埋尋晚 10 點半瞓   真係要瞓番夠本   咁先可以補充失去咗嘅體力   哈哈 ~

早餐食腿蛋治烘底   茶記冷氣係好夠   但飲完杯熱咖啡就覺得成個人熱哂 ~

菇場忙下停下又忙下   咁樣都唔錯   因為好快就到 Lunch Time ~

個天想落雨   所以買完牛筋丸河都番菇場喇   今次慢慢食   唔好咁大動作   咁就無出汗喇 ~

仍然忙下停下   咁同 8 卦一齊行去洗手間   我好快就出來   佢話我去廁所快過男人   我話妳去廁所夠慢過女人咯   其實里奧大人同家姐都成日話我咁快嘅 ?!   大佬   放完就即走啦   我覺得廁所係一個好多菌嘅地方 ~

5 點準時走   番到屋企即預備整沙律   今晚要比家姐 ~

無啦啦隻手無力   成 1/3罐粟米跌咗落鋅盤度唔要得呀   勁心痛

之前特登喺 Aeon 買包蟹柳   咁整沙律比家姐嘅時候   就可以加埋落去   因為佢好鍾意食蟹柳㗎

太多沙律   好驚個盒蓋會開咗   所以加個膠袋包住   咁順便比包煙肉碎比佢   大功告成

今晚無時間煮飯   所以要里奧大人買手撕雞番嚟呀   我整完都都 6 點 20 分   佢啱啱番到屋企   咁叫佢沖涼先啦   我可以洗埋所有嘢   唔想啲嘢擺喺度 ~

是日懶餐 - 麻辣手撕雞 (外賣) + 蟹柳蘋果粟米沙律

麻辣手撕雞 (外賣) - 以前半隻雞就肯定食唔哂   依家嘅半隻就真係唔算多喇   今晚買埋一盒白飯   我連飯都懶得煮呀 ~

蟹柳蘋果粟米沙律 - 今次材料係 5 個大蘋果 + 1 罐椰果 + 1 罐紅腰豆 + 2 罐粟米 + 1x 條蟹柳   家姐呢幾日 WFH   所以都諗住整沙律比佢   整咗一大盒比佢   剩番嘅就我同里奧大人食喇 ~

洗埋碗就抖陣   同家姐 8 點幾交收   佢尋晚同同事食飯   買咗愛文芒同玉荷包比我   要新鮮食喎   咁我都比埋竹炭同雪糕飲品比佢   唔駛我心掛掛   咁傾咗 15 分鐘左右就走人喇 ~

家姐好搞笑   Whatsapp 叫我食芒果先   之後又再叫我食荔枝先   咁即係食邊樣先呀 ?!   哈哈哈哈

開埋機洗衫就沖涼   之後休息喇 ~

里奧大人 10 點 45 分瞓   我以為自己唔眼瞓啦   點知我都係 10 點 55 分都瞓   呢排唔知係咪熱得滯成日出汗    夜晚好快眼瞓咁 ~