蟹柳黃蘿蔔壽司 + 玉子燒 + 麵豉湯 + 黑蒜豚肉味拉麵 ( 7-JUN-2020 )

賣相其實慘不忍睹   哈哈   所以好感激里奧大人   我次次煮嘢   佢唔講究賣相   哈哈

( 7-JUN-2020  SUN )

今朝里奧大人出門口   我都成 7 點幾先瞓得到 ~

9 點半鬧鐘響   我起身嘅時候講乜咁快嘅   即係鬧鐘咁快響呀   我真係好似第一次咁樣   可能真係不斷發夢   好似無瞓過咁   哈哈 ~

臨醒個夢係夢見里奧大人追巴士   因為明明等緊車   佢無啦啦行開   之後我自己上巴士   我喺巴士見住佢追   但佢去錯站   所以叫佢自己再等另一班巴士   激鬼氣   哈哈   咁我講番個夢比佢聽   我話連發夢都要我激氣   離哂大譜   哈哈 ~

出門口落勁大雨   但今日有事奉   無可能唔番教會呢 ~

食埋早餐就坐多陣   等埋里奧大人一齊番教會 ~

我真係好鍾意中式點心配咖啡   但家姐話好怪喎

一番到教會要即 Briefing   因為有好多新安排   所以好忙呀   完全陪唔到里奧大人   哈哈 ~

1 點左右崇拜完畢   因為我有另一個事奉   所以里奧大人同完教友傾完偈   就要行陣等我呀 ~

估唔到 25 分鐘就搞掂哂   感恩感恩   即刻打比里奧大人去食 Lunch ~

食完就去姑奶屋企拎嘢   拎完都即打的番屋企喇 ~

里奧大人 4 點左右瞓晏覺   我好攰但又瞓唔到喎   咁睇 Youtube 啦 ~

突然諗起   不如今晚整壽司   所以 4 點半左右即煲飯 ~

里奧大人 6 點幾起身   之後幫手熨衫   因為 7 點先可以開餐呀   哈哈 ~

是日晚餐 - 蟹柳黃蘿蔔壽司 + 玉子燒 + 麵豉湯 + 黑蒜豚肉味拉麵

蟹柳黃蘿蔔壽司 - 賣相極度樣衰   哈哈哈哈   但整咗都要出來見下人嘛   蘸沙律醬其實都幾好味   起碼無咁乾呀   哈哈哈哈   真係頂自己唔順   屋企無壽司豉油做乜鬼整壽司喎   無理油蘸頭抽家嘛   本來諗住甜豉油   但咁仲怪   哈哈哈哈 ~

玉子燒 - 我有落沙糖   但無同里奧大人講   咁等佢當炒蛋咁食就算喇   但佢其實一路食一路話好滯   因為佢唔鍾意食甜蛋㗎 ~

麵豉湯 - 日式餐點能夠無麵豉湯呀   哈哈哈哈   其實驚唔記得飲   一陣又過期就慘了 ~

黑蒜豚肉味拉麵 - 唔醒起壽司無里奧大人鍾意食嘅餡   所以即煮個拉麵比佢食 ~

食完都接近 8 點   即刻洗碗喇 ~

沖埋涼就休息   今晚我 11 點幾都自己瞓先 lu ~