原隻鮑魚瑤柱豚肉裹蒸糭 + 潮州粉果 + 馬拉糕 + 皇帝菜 ( 18-JUN-2020 )

( 18-JUN-2020  WED )

有時瞓到半夜係凍醒   所以里奧大人話如果凍就蓋埋佢張被   唔係會變到雪條咁硬崩崩   我話硬哂就係條鹹魚啦   之後佢話我應該係條鯨魚呀   鹹鯨呀   勁賤呀佢   我話係咪座頭鯨呀 ?!   佢話係藍鯨   全世界最大嘅鯨魚 Good Night   佢講得 Good Night 就即係佢要瞓覺   唔好再同佢講嘢   唔好反駁咁喇   哈哈 ~

瞓到 3 點幾熱醒呀   又係食完炸雞皮先咁   真係熱氣得咁緊要 ?!?!

臨起身前個夢超級恐怖   發夢同阿虫同阿 4 一齊喺公司 lunch   但個環境係我屋企   最奇怪係唔開燈食飯囉   但又睇得到好清楚所有嘢   我仲食兩個飯盒   不過食唔哂要入玻璃盒   之後有個清潔阿姐來   阿虫唔知同佢講乜嘢激親佢   個阿姐話殺阿虫   仲要殺埋佢全家   咁阿 4 出去睇發生咩事啦   最後阿姐話殺埋阿 4 全家   我勁驚啦   阿姐仲阿虫講   遲咗職先殺佢哋   咁就唔會累到公司 ~

無耐就鬧鐘響喇  起身嗰下   我個人仲喺緊張狀態當中   之後同里奧大人講話發惡夢勁恐怖呀 ~

今朝等咗好耐巴士   好在我都諗住早餐食奶醬多呢   哈哈 ~

菇場忙呀   仲要乜都係趕 ~

Lunch Time 出去行陣   之後再去買豬軟骨酸辣米線番菇場食 ~

仍然忙   話咁快就 5 點放工走人 ~

去萬寧買剃鬚膏同 Hot Lemon   因為 4 點至 7 點係全場 9 折   激死我啦   尋日先幫里奧大人買剃鬚膏   今日居然有 9 折   所以今日要再買多支囉   最後買埋雞骨草就去搭車 ~

今晚好想食點心   所以去超市買急凍點心同菜   買完即番屋企 ~

里奧大人 6 點幾放工   咁我都開始預備晚餐喇 ~

是日懶餐 - 原隻鮑魚瑤柱豚肉裹蒸糭 + 潮州粉果 + 馬拉糕 + 皇帝菜

原隻鮑魚瑤柱豚肉裹蒸糭 - 家姐比嘅鴻福堂糉劵   材料都多   但我好飽   食剩 1 件就留番聽晚食 ~

潮州粉果 + 馬拉糕 - 食剩半件馬拉糕   又留番聽晚食   之得唔買啦   哈哈 ~

皇帝菜 - $11/2棵   原來皇帝菜係茼萵   真係今日先知   里奧大人話有陣味   我話有益㗎   所以要食囉   我以前唔食茼萵   近幾年就鍾意食皇帝菜   我覺得佢好靚呀   其實味道係有啲怪   但我又鍾意食喎 ~

洗埋碗就開機洗衫   沖埋涼就休息   抖陣再食生果 ~

我會切粒比里奧大人食   講到佢好似狗仔咁   哈哈哈哈   自己就切片食算喇   最緊要快

今晚 11 點幾就瞓喇   但其實仲未眼瞓   不過唔想睇 Youtube   唔係睇下睇下又 12 點幾仲慘 ~