刀削湯麵套餐 ($50) - 五香牛展 + 香蔥豬肉水餃 - 里奧大人話個麵好硬 仲諗住淥嘅會好啲添 哈哈
尋晚去咗兩次廁所 如果無飲湯就應該唔駛去 哈哈 ~
今日係端午節假期 我瞓到 10 點半自然醒呀 里奧大人已經沖好涼搞掂哂 咁我都即沖涼 之後去食早餐喇 ~
佢好搞笑 話因為發夢好激氣 所以激醒咗喎 佢話同我一齊去旅行 咁我係用新嘅 Passport 所以好多資料會無咗 話一陣如果職員問起 唔好串串共答人就得㗎喇 ~
點知係個職員串串共問我點解無哂資料 ?! 我仍都真係串串共答佢點知會無哂呀 ?! 之後唔比我番香港呀 我即搭的士走囉 里奧大人就同職員一齊搵我 但又搵唔到 打比我電話又唔通 之後職員係咁 Loop 部 CCTV 終於見到黃色衫嘅女仔 (即係我) 打比個司機 但司機話無呢個人上車 (我即問里奧大人其實我係咪死咗 ?!) 佢同司機收線之後 我企咗喺里奧大人隔離 佢話見到我即話我 做咩頭先走咗去 ?! 叫你如果 Passport 有問題 企定定等我家嘛 之後我哋又要即跑番入機場 趕住搭飛機喎 ~
好好笑呀呢個夢 因為里奧大人同我講嘅時候 我答佢嘅語氣同夢境嘅係一樣 衰衰格格串串共咁喎 呵呵 我話佢次次發夢見親我都係衰嘅 我都知夢境同現實係兩回事來嘅 呵呵 ~
食完早餐就番屋企抖下 諗下出唔出去好 不過里奧大人成日都想陪我出去行下 所以我話去 Megabox 行下 ~
因為里奧大人想買4骨褲 所以去 AEON 睇下 估唔到有佢鍾意嘅褲款 佢買咗 4 條 我就買咗 1 條裙 + 1 件衫 + 1 條褲 總共只係 $1,074 咋 因為除咗 2 條褲係正價 其他都係特價 哈哈 ~
最開心係原來買滿 $1,000 就有 $100 Cash Coupon 但就要買滿 $300 先可以用呢 ~
其實超市好易用到 $300 但冰格無位 所以買唔到急凍嘢 但就比我見到有保鮮食物袋 100 個大袋裝只係 $10 咋 即打比家姐問抵唔抵 ?! 佢話超抵 所以幫佢買 2 條 我自己要 3 條 再買條鍚紙都係 $10 之後買下買下 又買咗 $165 其實想買夠 $200 咁儲多個印花 但又唔想夾硬買 所以就咁算喇 ~
之後同里奧大人買電風扇 因為想換好耐 感恩本身 $880 減到 $490 咁我可以用埋張 $100 Cash Coupon 喇 即係 $390 搞掂 嘻嘻 但無貨 要下星期再來 ~
搞掂哂已經 3 點 里奧大人話餓喇 咁我話去漁牧 因為上次有張 $100 Cash Coupon 但去到原來落場 要 5 點半先開 咁即轉場去太興食下午茶喇 ~
羅宋湯通粉配四式卷 ($45) - 羅宋湯勁好味呀 但呢個 Tea Set 真係好迷你呀 哈哈
濃香星洲炒米粉 ($56) - 都好味道呀 都有 3 隻蝦
食完抖陣再去 Ikea 買地毯 再買埋其他嘢都走喇 估唔到要大排長龍 ~
買完即番屋企 原來已經 5 點喇 ~
7 點左右出去食晚餐 里奧大人話要食雞蛋仔 但無理由一路行一路食 所以去麥記買杯汽水 我話買雪糕+可樂 但買完之後我又唔想食雪糕 哈哈 ~
朱古力味雞蛋仔
食完就番屋企 開機洗衫就沖涼 成日以為今日係星期日 差啲走去大清潔廁所呀 哈哈 ~
呢排都係睇 Eric Sir 我話我氣場唔夠 出手時似太極手 Eric Sir 係詠春手 里奧大人好認真話我唔係太極手 係豬手 哈哈哈哈 頂佢 等我仲以為仲有咩功夫手添 ~
今晚 11 點幾都瞓 估唔到都眼瞓 因為依家我夜晚飲可樂 會精神呢 ~
沒有留言:
發佈留言