蠔油燜冬菇雞膇 + 西蘭花拚小棠菜 ( 12-DEC-2022 )

買咗小棠菜就可以整菜飯   我好鍾意食菜飯㗎   以前我唔買小棠菜嘛   所以無整過   依家隨時整都得   哈哈  

( 12-DEC-2022  MON )

感恩一覺瞓天光呀   仲要瞓得好林   下次真係唔再睇夜波   不過講緊都係 4 年後嘅事喇   哈哈 ~

早餐食粟米吞拿魚芝麻軟包   食埋呢次吞拿魚   我應該對吞拿魚已經無咩興趣 ~

菇場忙呀   希望日日係咁啦   哈哈 ~

Lunch Time 出去行   其實行咗2分鐘已經想走   因為真係勁凍   不過諗住急步行會暖啲   但仍然係凍啦   所以買埋麵包都番菇場喇 ~

今日唔太餓   所以食 Flakes + 豆奶   我覺得唔凍嘅豆奶都好飲   但里奧大人同家姐話凍係好飲啲 ~

仍然唔忙   同 8 卦傾旅行嘢   真係開心   不過就無話好想去   我諗起要 Unpack 就驚呢   哈哈 ~

放工即走   今日真係超級凍   里奧大人叫我上車話佢知   特登唔覆佢   因為知道佢會接我   點知佢仲打埋比我   不過我話未上車   其實我都差唔多番到屋企   我一入屋   佢就話做咩唔打比佢 ?!   佢已經拎定褲出嚟換   同埋拎件厚褸比我   咁我話就係唔想你特登出嚟接我囉 ~

番到屋企都預備晚餐   今晚就咁蒸熱同淥菜就搞掂 ~

是日晚餐 - 蠔油燜冬菇雞膇 + 西蘭花拚小棠菜

蠔油燜冬菇雞膇 - 我真係好鍾意食呢個餸   煮又方便   其實啲汁撈麵都好味㗎   不過里奧大人唔鍾意食撈麵呢啲囉 ~

西蘭花拚小棠菜 - 1 棵西蘭花加 4 小棵小棠菜   不過我覺得西蘭花真係好脹胃   唔可以成日食   但我又好鍾意食西蘭花㗎喎 ~

洗埋碗就抖陣   之後同里奧大人去做運動 ~

番到屋企都即沖涼   好在里奧大人今日幫手開機洗衫   咁我可以快啲休息呢 ~

睇下 Youtube 又接近 11 點   係時候瞓覺 lu ~