( 3-DEC-2022 SAT )
今朝 7 點已經醒咗 不過懶床到 7 點 15 分先起身 ~
沖埋涼就出發 今日要預多啲時間出發 因為拎一大袋嘢比家姐 我要慢慢行呢 ~
9 點去到家姐屋企 都算好早 ~
同工人傾下偈 佢話家姐喺房 Berry 會跳上床陪家姐 但佢一同家姐講嘢 Berry 就會狂吠佢 好似好保護家姐咁 ~
之後話家姐買咗好重嘅嘢 明知腳痛都唔叫佢拎番屋企 又要陪 Berry 去街 佢講嘅時候 個樣好似好慘咁 又話家姐對佢好好 所以佢都好錫家姐 但更錫 Berry 哈哈 ~
全部係買比家姐 其實唔太重 但就好 "牙炸"
影到佢好細隻咁
以前佢咁樣 即係代表將會撲埋嚟咬我㗎咋 不過依家唔會 但係會即走開咁囉 哈哈哈哈
洗臉
鬼鬼祟祟望人
唔知係咪早得滯 佢唔係幾想食零食咁 哈哈
食完就想瞓
工人話吠家姐係愛嘅聲吠 因為上次佢朋友嚟屋企 Berry 係好惡咁吠佢朋友 嗚嗚聲咁吠喎 佢形容得好搞笑 哈哈
串串共
咁嘅姿態代表好眼瞓 哈哈
眼皮越嚟越向下
9 點半先食早餐 工人都對我好好㗎 我頭先一坐低 佢已經問我食唔食早餐 ?! 不過我唔想佢咁早煮啦 因為佢都係 9 點半先食嘛 ~
其實我諗住食牛角酥 咁尋日問家姐去 MAMA 遠唔遠 ?! 家姐話想食包咪出聲囉 哈哈哈哈 咁因為佢腳痛嘛 如果行得遠就唔好買比我囉 之後佢又話買咩買咩 又話可以叫工人煮米粉 佢煎蛋好食 咁我話都好喎 我唔識煎蛋 哈哈 ~
煎蛋銀絲米粉 + 維他奶茶
最鍾意食脆邊蛋 可惜我每次煎蛋都唔掂
我喺屋企 Berry 都會瞓覺 家姐話姐夫啲朋友嚟到 Berry 全程呢入梳化底 但佢哋一開枱食飯就會企喺枱底 等啲食物跌落地就偷食 真係勁奸仔喎
家姐 10 點幾就番到屋企 之後同佢分零食 又忍唔住幫佢執下個櫃 雖然唔亂 但好想幫佢分類零食 哈哈 ~
大媽送咗 2 件 Tee 比家姐 呢件好得意呀 揹住隻狗仔 另 1 件係坐氫氣球
同家姐一齊傾偈 咁 Berry 都企咗喺梳化 之後我哋聞到一陣青紅蘿蔔湯味道 係一下㗎咋 之後我話係 Berry 放屁呀 佢個 pat 仲向住我哋 真係食到應一應 哈哈 ~
難得 Berry 喺梳化瞓 我攬住佢 10 分鐘 佢真係無走呀 勁開心
1 點半左右走人 約咗里奧大人喺官塘食下午茶 之後就去睇驗身報告 ~
扎肉撈檬 ($46) - 我鍾意食撈檬 啲汁酸酸咪咪好開胃
越式香茅豬扒金邊粉 ($48) - 里奧大人就鍾意食熱嘅湯粉
越南炸春卷 ($16) - 我哋張單係 $94 職員話食滿 $100 有 9 折 叫我哋加多幾蚊就到 $100 抵啲呀 咁我揀咗春卷喇 其實我不嬲都想食春卷撈檬㗎 但里奧大人話熱氣 咁之後我唔叫春卷小食啦
3 點可以聽報告 肝臟腎臟大腸都正常 我同里奧大人嘅膽固醇高咗少少 呢下我真係估唔到 話哂我成日食零食 我係諗住爆標好多㗎 ~
我血壓 144/92 & 脈搏 101 里奧大人呢兩樣就好靚喇 ~
仍然係有貧血 我唔記得問佢啲咩 佢問我有無驗 FT4 好在我之前驗咗係無問題 咁就唔駛咁驚喇 ~
之後話我有 "類風濕因子" 原來係容易有濕疹 好在唔算嚴重 ~
今次最煩係心電圖結果係 Complete RBBB 即係心律不正 呢樣我都預咗 因為媽咪都有呢 咁唯有唔好下下咁緊張啦 哈哈 ~
搞掂就去姑奶屋企拎嘢 佢叫我哋地除鞋 但又唔係比拖鞋我哋着 真係好難頂啦 仲話朝早拖咗地 但其實一開窗就已經有塵入屋啦 我哋對襪污糟再着番鞋 咁樣即係連埋對鞋入面都污糟囉 真係救命 ~
同佢又傾咗半個鐘 佢話水姑點點點 我話人哋一家人決定嘅事 關妳咩事呢 ?! 其實在於嗰件事上 妳都只係外人嚟 所以里奧大人都話佢唔知乜事就唔好亂講呀 ~
差唔多 5 點就搭的士走人喇 今晚里奧大人要番工 我都整下嘢就買外賣 佢食完都要番公司開會 我就小清潔屋企啦 ~
沖埋涼就睇 Youtube 里奧大人 10 點都番到屋企喇 ~
家姐比我嘅蝴蝶酥 我鍾意細細件
我嚟咗半日啫 就好似好攰咁喎 哈哈哈哈
今晚 11 點左右都瞓 因為 Youtube 無咩嘢睇 哈哈 ~
沒有留言:
發佈留言