無骨雞 (甜酸&香辣) & 櫻花蝦章軍 (外賣) + 冷辣辣麵 + 蒜味香腸 + 芒果糯米糍 ( 18-DEC-2022 )

開餐

無骨雞 (甜酸) - 個汁唔錯   

無骨雞 (香辣) - 唔似韓式炸雞有啲失望

櫻花蝦章軍 (8粒) - 想食好耐   咁家姐嚟食就可以叫   始終都係飽肚嘢嘛   多個人食好啲

冷辣辣麵 - 見家姐嚟先整咋   因為材料有蟹柳   所以想整比佢食囉   我話特登整㗎   家姐即刻話要食啦   但我就將啲醬汁分開落   始終比較漏   慢慢加啲嚟食就最好呢

蒜味香腸 - 家姐鍾意食台灣腸   所以焗比佢食   佢話要切片生蒜添   咁當然無問題啦   屋企有獨子蒜   同我清埋最好   哈哈

芒果糯米糍 - 太耐無整   真係勁驚失敗   因為我約莫份量咋   感恩大成功   家姐話個皮煙韌   里奧大人以為我喺出面買添呀   因為我好少整得咁薄皮

大樹菠蘿 - 尋日買完   我叫家姐今晚記得食

( 18-DEC-2022  SUN )

今朝同里奧大人一齊食早餐   之後去佢公司幫手 ~

9 點幾就要番學   今朝要同弟兄一個同事一齊上堂   之後繼續陪佢番崇拜 ~

我崇拜完畢都要即走喇   因為趕住去買午餐   里奧大人食完要去開會了 ~

呢期好鍾意食麻甩飯   可能夜晚無咩食飯   晏晝要食多啲補下氣   哈哈 

咁我約咗家姐整嘢   佢又拎好多嘢比我   真係好似人地番鄉下咁   每見一次都一大袋嘢比我 ~

之後我都番屋企   都已經 4 點幾   我要拿拿聲預備冷麵同芒果糯米糍喇 ~

家姐今日去咗鯉魚門   所以又買咗豬肉乾同牛肉乾   佢都買埋比工人同糟糟   所以佢都無問我要唔要就直接買比我   其實上次元朗買嗰啲都未食噃   咁仲有 1 包魚肉燒賣無影到

甜味牛肉乾

豬肉乾同牛肉乾差唔多色

搞掂哂都 6 點半   里奧大人 6 點半開完會   家姐咁啱嚟到屋企附近   咁我同家姐去買嘢食番屋企 lu ~

我叫佢地傾下偈先   因為我要焗熱啲台灣香腸同撈勻冷麵呢 ~

終於 7 點半開餐   一路食一路傾   我就整完無咩胃口住   講多過食   哈哈 ~

家姐話工人旺角有間粉麵好食   家姐問佢邊間 ?!   下次出旺角買比佢食   點知原來係南記   家姐同佢講之前咪買過比妳食囉   我買又唔見妳話好食   工人話熱辣辣好味啲嘛   真係識講嘢 ~

依家家姐梨肌炎   咁工人都好好會幫家姐摔腳   家姐話佢第時唔幫家姐做嘢   可能要照顧婆婆   妳依家當佢係阿婆咁照顧啦   工人即話第時妳咪嗰個婆婆囉   哈哈   幾識氹人呀 ~

咁家姐嘅前前工人   話比家姐知佢生咗 BB   家姐話佢好勁   無做 3 年都仲記得廣東話   里奧大人話佢會同朋友傾偈家嘛   但家姐話喺印尼點會用廣東話傾偈呀哥哥 ?!   呢句我真係大笑出來呀   哈哈 ~

家姐 9 點左右走   即刻拎哂啲人參果   同埋 1 個大蕃鬼荔枝比佢   之後我就送佢搭車   反正我都想行下   以前就懶啫   依家唔係啦 ~

番到屋企都開機洗衫   之後沖涼休息喇 ~

工人影比家姐㗎   話 Berry 等緊佢喎   呵呵

睇陣電視   見差唔多 11 點   所以同里奧大人一齊睇世界盃決賽   阿根廷對法國呀   估唔到上半場未夠鐘都入 2 球   雖然好緊張   但已經 11 點 35 分   咁我都要瞓喇   始終聽日要番工   唔想無精神囉   咁里奧大人就繼續睇呢   羨慕羨慕 ~