鳳城水餃拚招牌鮮蝦雲吞 + 粟米 ( 23-DEC-2022 )

尋晚食剩嘅肥牛同水魷牛栢葉

( 23-DEC-2022  FRI )

尋晚半夜去廁所   感恩好快瞓得番   不過覺得好快鬧鐘響咁呀   哈哈哈哈 ~

早餐食檸檬瑞士卷   今朝唔駛焗熱麵包   真係慳好多時間呢 ~

菇場唔忙   咁都好   我多啲時間叮熱食物 ~

尋日食唔哂啲雞扒豬扒鴨胸   仲有啲意粉   所以我話留番今日食   諗住只係得我同阿齋食   估唔到阿爽同渠都一齊食   實在太好   因為真係剩好多   不過都食唔哂   放喺 Pantry 希望有人食啦   唔係就要掉 lu ~

1 碟雞扒 + 1 碟豬扒 + 1 碟鴨胸

卡邦尼意粉

我嘅午餐   阿齋唔食得奶味咁重嘅意粉   咁我比杯薯蓉沙律佢食啦

最後我食埋呢碟意粉   啲汁好味但好漏   哈哈

阿爽話 BG 仔頭先食咗粒蛋   變咗蠢蛋   我覺得爛得嚟好搞笑呀   哈哈   BG 仔肥嘟嘟好得意   頭先同佢食飯都好乖   靜靜哋咁食   但佢唔可以食得太多   否則會穫利回吐   所以佢頭先一話飽   個個叫佢唔好再食呢 ~

仍然唔忙啦   上網睇嘢又傾下偈   咁講好似唔係番緊工咁 ~

放工即走   番到屋企都即預備晚餐   之後里奧大人都番埋嚟   我話一陣要去超市買嘢唔做運動   所以叫佢沖涼先食喇 ~

是日懶餐 - 鳳城水餃拚招牌鮮蝦雲吞 + 粟米

鳳城水餃拚招牌鮮蝦雲吞 - 今晚要食埋喇   因為聽晚又唔得閒煮呢 ~

粟米 - 仍都要食埋啦   唔想留咁耐   最怕係唔記得食   哈哈

洗埋碗就出去超市買洗潔精   點知無做特價   所以都唔買 lu ~

番到屋企就即沖涼   食埋生果就睇我個仔   因為我同里奧大人講話宋仲基係我個仔   但佢有時無啦啦會講睇你個仔   我真係諗緊佢講咩   哈哈 ~

今次味道係酸酸甜甜   我覺得好味   但里奧大人反而話好甜

睇完再睇陣 Youtube   今晚 10 點 50 分都自己瞓覺先喇 ~