香辣炸雞 + 蘑菇飯 + 粟米 + 葡撻 (外賣) ( 16-DEC-2023 )

炸雞滋味盒x2 ($50/盒) - 啲雞真係好細件   不過今次食啲肉又 Juicy 喎

( 16-DEC-2023  SAT )

感恩一覺瞓天光呀   但仲係有啲想瞓   哈哈 ~

同里奧大人一齊食早餐   食完就去佢公司派聖誕禮物   開心開心 ~

菇場忙咗陣又做自己嘢   不過今日有啲攰 ~

放工要即走   同里奧大人喺屋企食完午餐   我都要即刻出去探訪喇 ~

里奧大人就一定要留喺屋企   因為雪櫃要換燈呀 ~

今次我要求拍住皇太后去探訪   因為我次次都起碼 2 點先出發   咁唔想其他人等我   咁同皇太后又熟啲   所以迫佢陪我   哈哈 ~

探訪兩個嘅家庭   第一個家庭傾咗 1 個鐘呀   完全超出咗倍時間   所以要即飛去第 2 個家庭喇 ~

感恩今日凍凍哋   行路都無出汗   因為拎住禮物比較重嘛 ~

同皇太后探訪完   之後陪佢睇下袋   又陪佢睇樓價先搞笑   睇完就話帶我去買凍肉喎 ~

買完就去埋菜   之後慢慢行啦   但有人打比我   心諗唔會里奧大人啦   因為我話去探訪唔方便聽電話嘛   原來係中心打嚟問我哋喺邊 ?!   哈哈哈哈   我完全唔記得要番中心滙報呀 ~

一路行一路傾   我鍾意同皇太后傾偈㗎   佢個人好正面   成日探訪都一定讚老人家好叻   因為好多老人家成日話自己無用嘛 ~

佢成日做探訪㗎   話老人家最緊要自己照顧好自己   唔係成日要等人照顧   佢仲話唔明點解啲人成日要人照顧   其實可以照顧人仲好啦   呢啲真係要比里奧大人屋企人聽下 ~

之前同鴛鴦媽傾計   咁佢同個仔新抱一齊住   我話好呀   有妳照顧佢哋   佢話係佢哋照顧我呀   我即話極之少數人好似妳呢位老人家咁諗呢 ~

皇太后話佢去放低嘢落雪櫃   我就即去滙報   分頭行事 ~

滙報完再同皇太后傾陣偈都番屋企喇   原來都已經 5 點 20 分 lu ~

本身今晚里奧大人屋企做冬   但有人嚟屋企整雪櫃   因為盞燈壞咗   但又唔知師傅幾點到   所以都唔入大埔食   雖然師傅 3 點幾到   不過佢到咗   我要去探訪其實都唔入去㗎喇 ~

我要休息一陣   差唔多 6 點幾就出發去豬豬食晚餐   但原來佢收 3 點   哈哈哈哈 ~

咁我話想去大快活食扒   但無位呀   所以我話不如買 KFC   我好想食炸嘢呀   之後里奧大人話不如去 Jolibee 買啦   我話今日行咗好多路唔想行   佢話佢買   我話唔駛啦   近近哋買得啦 ~

感恩經過 HKTV Mall   見到 Hoegaarden 小麥白啤酒做特價 $30/4 支   里奧大人即買 2 Packs   之後家姐問小麥白啤酒好平咩 ?!   哈哈哈哈   次次我一喺 HKTV Mall 買嘢   家姐都知道   所以我話妳見我買就跟住我買   係平先會買的   哈哈 ~ 

番到屋企即食晚餐喇   食完抖陣就開機洗衫   搞掂就沖涼 ~

同里奧大人一齊睇 "Marvel 5"   但睇到一半無睇   因為啲人整到個樣好核突   我睇到毛管動   咁又睇下其實戲啦   不過睇到 10 點幾都唔睇 lu ~

之前榴槤請我食嘅零食   估唔到食幾塊都好飽肚   哈哈

睇埋新聞同睇陣 Youtube 都瞓   雖然都 11 點幾   但唔係咁眼瞓   不過都要瞓咁解囉   聽朝早起身嘛 ~