豬肉粒蛋炒飯 + 青紅蘿蔔粟米栗子豬骨湯 ( 24-DEC-2023 )

 

( 24-DEC-2023  SUN )

今朝同里奧大人食完早餐就去佢公司幫手   所以時間真係會過得好快呢 ~

崇拜之後就再去里奧大人公司拎嘢   之後就去買餸喇 ~

我最期待里奧大人聖誕襪入面嘅禮物

煲好湯又出發去里奧大人公司   因為想比啲百香果比阿妹呀 ~

黃金百香果 $25/2 磅都抵   之前我喺公司附近係 $14/磅㗎   咁我同阿姐話買百香果   我比咗 2 張 $20   之後佢 Fing Fing 下   我感覺佢覺得唔夠錢   佢再話呢度 4 磅   其實我係諗住買 2 磅咋喎   唔明點解佢比 4 磅囉   不過我又無講明幾磅先嘅   好在我都鍾意食   所以 4 磅都無所謂呢

同里奧大人差唔多 2 點幾先食下午茶   所以唔食粉麵飯餐喇 ~

食完行陣先番屋企   原來又已經 4 點   假期嘅時間真係過得好快 ~

今年里奧大人嘅聖誕禮物   以食為主   哈哈哈哈

佢同事都送咗朱古力同合桃比我   但唔知係邊個送囉   張卡都有寫我名   感恩佢啲同事成日都記得我   哈哈

我送比里奧大人嘅聖誕禮物   呵呵

今日里奧大人公司開小食會   佢特登拎比我㗎   仲話真係為咗我   先會做埋啲咁核突嘅事   哈哈

里奧大人今日都唔駛瞓晏覺   我都唔駛呀   今日又唔係好攰咁 ~

睇陣 Youtube   今晚 6 點幾都可以開餐 lu ~ 

是日晚餐 - 豬肉粒蛋炒飯 + 青紅蘿蔔粟米栗子豬骨湯

豬肉粒蛋炒飯 - 其實係用湯渣嘅豬肉   食得唔好嘥嘛   不過今次個飯無味道   難為咗里奧大人 ~

青紅蘿蔔粟米栗子豬骨湯 - 好想飲湯呀   呢個係最簡單   同埋又可以飲兩晚先最好   哈哈 ~   

洗埋碗就抖陣先同里奧大人一齊做運動   依家開始做番運動   雖然時間唔耐   但都好過唔做嘛 ~ 

Berry 最鍾意上床瞓

繼續睇 "臥底旅行團"   睇到 11 點半先瞓 ~