BBQ 雞翼 + 菜心苗 ( 10-DEC-2023 )

之前食剩嘅蠔油冬菇   今晚都食埋去喇

( 10-DEC-2023  SUN )

感恩一覺瞓天光   6 點 45 分已經醒咗   不過想懶下床先起身 ~

尋晚已經同里奧大人講   今朝一定唔會食湯粉麵   因為尋晚真係好飽呀 ~

食完早餐要即刻走喇   因為今朝要早啲去里奧大人公司幫手 ~

今朝有人認錯我係阿妹   雖然我都識佢   但我覺得佢講嘅有啲唔同咗   佢講完嘢之後就叫咗阿妹個名   我話妳認錯啦   哈哈 ~

番完學再去事奉   之後再去里奧大人公司坐陣就去買餸喇 ~

有個小朋友 HH 話要送咗個心型貼紙比我   仲貼落我手錶上面   真係好可愛呢

買完麵包再去買餸   搞掂就去麥當勞買午餐番屋企食 ~

船頭話煙肉脆爆雞腿包都好食   所以買比里奧大人試下   我哋都覺得好食呀   最搞笑里奧大人話我都唔鍾意食麥當勞   都好奇怪點解會買   不過佢都話如果同船頭口味差唔多   第時佢話好食嘅嘢都可以試下   哈哈   同埋親子會會員仲送細薯條   所以好抵食呀呢個餐  

食完抖陣就沖涼   之後休息休息 ~

里奧大人就瞓晏覺   我有啲攰但又瞓唔到   咁就睇下 Youtube   但差唔多 4 點半瞓都勁眼瞓   之後瞓到 5 點都醒咗   里奧大人就差唔多 5 點半先起身 ~

是日晚餐 - BBQ 雞翼 + 菜心苗

BBQ 雞翼 - 喺凍肉店買㗎   但今次無咩味道咁   我用咗新買嘅牛油紙   所以痴哂底呀   好在我哋唔食皮咋   不過下次都係搽啲油先   因為唔想再買牛油紙呀   哈哈 ~

菜心苗 - 依家里奧大人好搞笑   成日問我淥菜有無加到薑呀 ?!

洗埋碗就開機洗衫   搞掂就沖涼喇 ~

同里奧大人一齊睇 "思家大戰"   之後佢就熨埋衫    因為今日我勁攰呀 ~

睇多陣 Youtube   今晚 10 點半都瞓覺喇 ~