2008 年...麻麻地好嘅開始 ( 9-FEB-2008 )

首先祝各位新年快樂 !! 新春大吉 !! 身體健康

好耐無 Update Blog 喇...所以咩都打一餐嚟練下字先...

年三十晚 - 實在太可惜喇...因為身體不適關係...無可奈何喺屋企過年三十...幾十年都係行年宵渡過年三十...今年無行...好唔慣呀...

大年初一 - 同里奧大人去媽咪屋企拜年...本來家姐同唔到我哋一齊食飯...但咁啱約咗嗰個人要遲啲到...所以我哋可以一齊食飯...真的感謝神...食到差唔多 2 點就走喇...因為要去婆婆屋企拜年...又係坐個幾鐘頭就番屋企喇...

番到屋企附近有啲餓...所以去元氣醫醫肚...

之後同里奧大人講: 真係好想去 Jumpingym 玩...里奧大人居然首肯呀...所以拿拿聲續卡再換 $200 Token...第一樣嘢係玩 "擲彩虹"...我擲到有 500 票呀...開心到有啲暈...之後就玩 "推錢機"...但手風唔順...玩咗一陣就再玩番 "擲彩虹"...今次好幸運...換 $200 加埋其他抽獎...差唔多 $100....到最後仲有 $200 Token 留番下次玩....係好嘅開始...因為唔駛等里奧大人覺得 Jumpingym 係燃燒金錢嘅地方...

之後去 Jusco 買照燒雞翼 + 薯格...再加上自己煮味千拉麵...咁就係一個超簡單又好味嘅晚餐喇...

大年初二 - 非常可憐...半夜起身去洗手間...打咗 3 個噴嚏之後覺得個鼻塞...心知不妙...因為已經 Feel 到會有傷風...起身又有啲頭痛...但又要去奶奶屋企食開年飯...不過今次都好彩...有順風車坐...食完飯開始有啲唔舒服...但傳說話打牌能醫百病...所以我就同奶奶...大姑奶...姑奶老公打牌...奶奶屋企有貓...加上我又感冒...攪到我個鼻超痕...鼻水又長流...辛苦到暈...在極度辛苦嘅狀態下打牌之下都好好彩只係輸 $100...食完飯姑奶佢哋話未夠喉...所以再嚟...唯有頂硬上...打到 11 點就走喇...又幾好噃...嬴番 $100...終於明白咩叫做唔辛苦點得世間財...

大年初三 - 瞓到 1 點...之後同里奧大人去食 Lunch...間間都唔開...又涷又腳軟...搵食原來真係好艱難...之後去咗 "好麵膳"...我食香茅豬扒湯濛...里奧大人食叉燒燻蹄飯...勁唔好食...

番到屋企里奧大人就瞓下...我呢...睇下報紙咁又到四點幾....要出去食嘢喇....想食公司三文治...所以去大家樂食 Tea...我食公司三文治 + 熱央...里奧大人痴線咁又食叉燒湯瀨 + 可樂...

實在太攰...所以都唔係點周圍行...要番屋企休息下...過下過下又到 8 點...唔想食太飽...求其食車仔麵 + 腸粉就算 lu...