公司春茗

尋晚公司春茗...所以就約埋同事一齊到...有個伴好 d 嘛...費事咁早到唔知做咩嘢好...我又無約同事打牌...所以就睇人打牌喇...又同同事傾下計咁...d 時間都好容易過...傾傾下又傾到自己把幾火...因為我同 3b 出街食飯...次次都係我比錢....仲要係佢次次開口要我比先...但佢自己都有帶銀包架噃...最憎人係奉指咁...有次食粥每人十三蚊...佢居然比一個五蚊 + 七個一蚊 + 兩個五毫子...痴鬼線架...比咁多散紙人...仲唔問人地介唔介意添喎...明知 coins 咁重...妳仲要咁比人...好自私啫...又有一次又係食粥..佢又係食咗十三蚊...條友又比一個五蚊 + 四個兩蚊...我覺得佢真係自私到爆囉...不過...我最慶係有次食粉...我地食咗三十八蚊...比錢時我問佢有無錢...因我得一張廿蚊 + 零碎 coins...咪問佢有無一張廿蚊...條友不知所謂話無喎...咁我咪死刮難刮 d coins...好在有十八蚊...刮完原來剩番五毫子咋...我咪好大聲話佢無錢就出聲啦...我未必有錢比埋妳果份家嘛... "整佢個制" 丫...所以依家我都好小約佢食飯...我真係覺得佢好不知所謂囉

公司出 email 話七點開席...點知成八點先開席...我仲慘到坐喺風位...吹到個頭勁辛苦...好在我條裙有帽...所以一路食飯一路帶住頂帽...勁古怪...唉...玩埋遊戲同抽埋獎...食完成十二點先番到屋企...走嘅時候又大風又落毛毛雨...涷到 c...最慘係里奧大人喺屋企等我嘛...日又要番學...實無精神啦

      

今朝十點半起身喇...因為要番祟拜...同里奧大人食燒賣 + 腸粉 + 熱豆漿 ...飽到震...之後打的番教會...聽完道已經十二點半...要急急腳走...因為里奧大人要番學呀...求其食咗鹹魚肉餅盅頭飯 + 干蒸燒賣 + 山竹牛肉 + 熱央 ($40)...里奧大人一路食一路話好眼瞓...想唔番學...我真係開心到爆...我話因為星期六我食春茗...星期日你又要番學...無咩點見呀...但因為申請咗持續進修基金...出席率一定要有 90 %...如果唔係 claim 唔到錢...咁又好在里奧大人今次唔番都無問題...終於都無番學陪我喇...其實都唔係叫陪我...係屋企休息做功課咁啫

行經 jusco...做健康食品節...買咗包麥皮...有助降低膽固醇喎...又唔係貴...對身體又好...係咪值得先... 
難得里奧大人喺度...所以去埋街市買餸...買咗蕃茄 + 薯仔 ($10) + 菜心 ($10) + 大眼雞魚 ($17)...再買埋 6 個木瓜 ($24) + 4 個蘋果 ($10)...咁就番屋企喇... 
里奧大人番到屋企即刻瞓覺呀...我就睇報紙同食下家姐喺陳意齋買果 d 零食咁囉