主動情人節

情人節喇喎...梗係要出街食下嘢咁啦...無花收食餐飽都好丫...係咪??
里奧大人想詐詐帝扮唔知...so 我就 book 咗位先至同佢講情人節出去食飯...咁主動唔會拒絕啩

去嘅地方係大尾督嘅忠誠茶座...係食泰國嘢嘅...
真係唔讚自己醒唔得呀...好在一早 book 咗位咋...里奧大人仲恥笑咁話 : 唔駛 book 都得啦...無人會入到 "山卡拉" 食嘢架...哼...錯哂啦...一走就有人坐喇...有 d 仲要排隊添呀...仲話唔駛 book 丫哪...
太想食泰國菜...所以一早已將感冒拋諸腦後...炸嘢辣嘢貝殼類嘅涷嘅都一一 order

食咗炸春卷 + 辣椒膏炒青口 + 鹹魚炒椰菜苗 + 蒜蓉包 + 釀雞亦 + 珍多冰 + 石榴子冰 ...其實食嘅地方係村屋出面嘅前花園...只不過在搭 d 板就當係舖位咁...所以 d 嘢食好快涷...要食快 d 先得...如果唔係就會好難食...所以同里奧大人食到丫...我飽到要冒瞓唔着嘅險都要飲茶消滯...餓辛苦...但飽都好辛苦...因為我唔想浪費食物...
炸春卷 - 好似食齋春卷咁...得好小肉...正...同埋 d 醬汁好好味...
 

辣椒膏炒青口 - 醬汁好濃...正...

鹹魚炒椰菜苗 - 菜一碟...無咩特別...

蒜蓉包 - 好香嘅牛油蒜蓉...好好味...

釀雞亦 - 食到最尾先黎...太飽...所以覺得麻麻地...

珍多冰 - 無味嘅...以前食珍多冰好多料...依家得 d 啫喱...不過覺得唔飲杯涷飲唔似食泰國菜啫...

石榴子冰 - 里奧大人話喺九龍城買果 d 石榴子好味 d 喎...

埋單 $321...最搞笑係個 waiter 比張單時話 : 多謝 9 百幾...嚇到我丫...9 百幾?? 唔係化...後尾個 waiter 見我咁大反應再望張單...好唔好意思話321...唔好講笑...真係驚架

番到屋企附近又去 jumpingym 走轉...玩咗 50 token 擲彩虹就收手喇...估唔到自己居然會有自制能力

      

今朝好似涷過尋日咁...真係要爭扎一陣先捨得起身...今朝食芝腿菠蘿包 + 涷奶茶 ($16)...番到公司都忙忙地咁...都好嘅...我都唔想無嘢做等放工

晏晝買咗腸仔麵 ($12) 番公司食...因為唔想出街...覺得好鬼涷呀