鎮江骨 + 紅蘿蔔粟米花膠豬骨湯

寒地涷真係好鬼想食嘢...頭先買咗兩個迷你菠蘿叉燒包 + 一個迷你豆沙包...番到屋企無幾耐就 feel 到有 d 口痕...所以就煎香黎食...個皮好脆又熱辣辣...正

個頭仲係痛...但要煲藥又要煲湯又要炆鎮江...但又唔想瞓...又唔想食 panadol...所以尋日超級辛苦

是日懶餐 - 鎮江骨 + 紅蘿蔔粟米花膠豬骨湯
鎮江骨 - 見到街市原來有雪藏金沙骨...所以買咗一斤 ($16)...解涷之後無醃...直接出水...爆香乾蔥同薑片...之後用鎮江醋 + 喼汁 + 蠔油 + 孖蒸 + 冰糖 + 水黎炆...炆到 d 汁杰就收火...之後我放埋一邊...到食飯時再翻熱...我覺得今次好好食...所以好鬼開心...今次跟個 recipe 相當唔錯
紅蘿蔔粟米花膠豬骨湯 - 花膠浸咗一晚..再用一條紅蘿蔔 + 三條粟米 + 豬骨一齊煲...女人飲最啱...所以我會有時間就煲...
個頭又痛...天氣又涷...已經諗住煲湯同埋個餸係唔好味...點知今次嘅鎮江骨整得好好食...個湯又煲得好 "溶" 好好飲...真係估唔到!!

      

   
唔知花膠湯係咪利尿...成晚起身去洗手間...真係慘...
今朝食吞拿魚治烘底 + 熱啡 ($15)...好耐無飲咖啡...所以今日飲完好精神...
晏晝帶飯...好飽...食完開始好想瞓覺...但又要開工...