黃金炒飯 + 馬蹄糕 ( 16-FEB-2008 )

尋日忙到九彩...因為之前唔願做...所以堆埋一堆...自己攞嚟衰

好在臨放工前一個鐘做哂嘢可以抖抖...順便諗下煮咩炒飯好...因為前日已經整定盒冷飯...所以一定要炒飯

本來想買火腿...但唔想一次過食一 Pack 咁多...但食一兩塊又驚之後唔記得煮等到過期...so...我就去街市買 $5 芝士腸...唔知街市涷肉舖啲散裝腸仔會唔會過期呢...

其實本來想整楊洲炒飯...但原來屋企包雪藏蝦已經喺 17-11-2007 到期...激死我喇...嘥嗮啲嘢...再睇下 Pack 蟹柳...好在無過期咋...又好在買咗芝士腸...唔好真係得齋炒飯呀...

是日懶餐 : 黃金炒飯 + 馬蹄糕

黃金炒飯 - 仲係新年嘛...所以改個好聽啲嘅名...配料只不過係粟米 (黃金) + 雜豆 + 芝士腸 (切條) + 蟹柳 (切粒) + 旦 + 薑粒 + 蔥粒...但今次用老抽同咖哩粉一齊炒...所以有啲辣...但又好好味喎...

馬蹄糕 - 係阿婆之前比嗰啲...再唔食就要掉㗎喇

洗完碗...沖埋涼就食蘋果雜果沙律...本來唔想整...好耐之前買咗雜果同椰果...驚唔整又等到過...所以涷冰冰都要整沙律囉...

今朝勁開心...因為同里奧大人去 Can-teen 食早餐...我又係食至愛嘅魚柳腸拚多士配即磨咖啡...里奧大人食雞扒旦拚多士配熱央...勁好味...

番到公司有啲嘢做咁啦...講真...唔急真係唔願做住...因為勁有 Holiday Mood 呢...

里奧大人晏晝要番學...所以我就同媽咪去食板長壽司...好在媽咪早到攞飛...我去到等多一陣就有位...因為人齊先可以入...呢間嘢真係唔掂...食海膽無海膽...食鰻魚無鰻魚...食蟹捧無蟹捧...食鯖魚無鯖魚...話無貨喎...激死...攪到咩 Mood 都無哂...媽咪又唔好食生嘢...所以比較難選擇...只係叫咗三文魚 / 蝦 / 帶子 / 八爪魚嘅壽司 + 軟殼蟹手卷 + 親子飯 + 天婦羅 + 牛油果蟹肉沙律 ...埋單 $167...價錢都 OK...啲飯又新鮮...美中不足係想食嗰啲全部無囉...

之後同媽咪去婆婆屋企附近食糖水...食合桃糊 ($17) + 杏仁糊 ($18)...諗住食啲甜甜哋嘅嘢...點知啲糖水又無味又唔滑...仲要鬼咁貴添...下次都唔會去食呀...突然覺得自己整嘅芝麻糊原來係好好味㗎...