海南雞飯 + 馬拉盞通菜 + 印度千層酥餅 @ food court ( APM )

尋日真係奄悶咗成日...加埋做嘅嘢改完又改...睇見都煩...終於頂唔順沖茶飲...同食 d 酸嘅糖...咁又好似好啲啲咁!!
因為約咗保險朋友 "德文" 六點半喺 APM 傾 renew...而我放五點半...里奧大人就放六點...所以我就接里奧大人放工一齊去 APM 喇...開心到佢丫...行行下又估唔到自己有啲肚餓...突然勁想食燒賣...所以就行到老遠買串燒賣...勁好味呀...因為係小食多滋味呢!!
時間啱啱好...去到就見到 "德文"...一坐低就開始傾閒計...佢瘦咗好多...瘦咗20磅...條腰瘦咗四吋呀...佢係刻意減肥...因為知道自己有高血壓同高膽固醇...佢好有恆心...佢話一三五朝早會早一個鐘起身...做完 gym 先番工...早餐食麥皮...午餐同晚餐食半碗飯 + 烚菜 (唔落油同豉油)...我真係覺得佢好勁...可以持久呀...
比佢咁講一講...又比佢話我比之前 hehehe (同時用手拉闊塊瞼)...攪到我仲更加開要籌備決心去減肥...你知啦...話減就減咩...我又為食...口不停咁...唉...不過我都係時候減減喇...因為依家又肥...身體又唔好...一個月睇中醫睇幾千蚊...條數好襟計...倒不如我減肥做運動...身體好 d...自然病痛又小 d...最緊要係錢都用小 d 嘛

唔好講笑...之前成日心口痛...好難抖氣...真係好怕突然唔係度...又好怕里奧大人突然咁失去咗個難能可得嘅又靚又好嘅老婆...咁樣..里奧大人就會好寂寞 (我估)...好唔開心 (我估)...無好餸食 (我估)...無湯水飲 (我估)...好在...尋晚知道自己份保險金足夠讓佢同我媽咪...家姐嘅生活...咁我都安樂 d 

同德文真係傾咗好耐...反而保險 renew 只不過傾咗半個鐘到...我地居然由六點半傾到九點半...好在之前我食咗串燒賣..先可以捱到咁耐....德文之後又約咗人...所以得我同里奧大人食晚飯...食咗 food court 入面嘅海南雞飯套餐 + 馬拉盞通菜 + 印度千層酥餅...終於比我食番個較為似樣嘅海南雞飯...好開心呀

番到屋企睇 d 藝人講肥姐嘅嘢...睇到個心好嗡呀

      

今朝唔食火腿通粉 + 熱檸茶 ($17)...唔知點解好想食通粉...但原來番工嘅朝早食通粉係好飽嘅...so 食唔哂呀...嘥哂添...
晏晝食魚皮餃米粉...又係唔知點解好想食魚皮餃...不過好好味...但太多米粉...所以又係食唔哂...
做完小小嘢又可以抖下喇...都唔知係好定唔好