魚香茄子煲 + 梅菜扣肉飯

   

里奧大人終於比我傳染咗感冒...要休息一天...但我就無陪佢睇醫生...因為我約咗媽咪去家姐公司附近嘅金煌庭食 lunch... 
我次次去親媽咪度就實會先同朱朱食早餐先嘅...之後就會上媽咪屋企坐一陣再出發食嘢...但自己唔舒服...又加上天氣涷...所以無同朱朱食早餐...媽咪話亞朱都涷到打 "乞痴"...唔敢帶佢出街...媽咪咁講我都好驚...因為朱朱知道我番就等如有得出街...所以當我出門口時...佢對眼突然好精靈...仲舉起一隻前腳仔...示意妳同佢出街街...嚇到我即刻唔望佢就轉身走喇!!對唔住呀朱朱...等家姐好番...下次先同妳出街街啦...
好在 book 咗位...都唔記得 d 人會食開年飯...如果唔 book...應該會無位...食咗煎腸粉 + 北京水餃 + 黑椒牛仔骨 + 蝦餃皇 + 豉汁蒸鳳爪 + 蒸銀媽卷 + 千層馬拉糕 + 雞絲粉皮 + 肉末叉子餅...埋單 $298...家姐請...講真...食物有水準...但 d 服務態度就差到不得了...話說我食緊嘢嘅時候....有個人喺度 "格硬" "惡" 開我張椅迫入黎拎嘢去後面張枱...大佬...我食緊嘢家嘛...之後我望下係咩人...原來係 d 部長級...我咪好惡咁 "啤" 住佢囉...整佢丫...居然話 : 妳坐過 d 丫嘛...整整整整佢丫...我即刻發火話 : 你係咪應該講唔該呀??咁無禮貌嘅??咩嘢態度呀??再 be li ba la 咁話佢...佢嬲爆爆無出聲行開咗...痴線架...仲有呀...就係 d 人成日將隔離枱 d 點心比我地...真係大大話話講咗成十次唔係我地...飲茶飲到咁掹都係第一次呀

食完就同媽咪搭車走喇...而我又要再陪里奧大人開餐...去大家樂食紅腸雞亦瀨 + 熱奶茶同朱古力西多士 + 熱奶茶...之後要番屋企瞓喇...

oh...食完又瞓...瞓完又食...呢個循環令我有 d 驚

無力煮飯...所以去東江雞食飯...食咗魚香茄子煲 + 梅菜扣肉飯....今次搭枱...好衰唔衰...張枱係三個女人坐嘅...聽佢地講嘢 d 語氣...我估佢地係八婆...真係比我估仲咗...話說有個印印一手拎 bb 車...一手拎袋...但個小朋友就周圍走...之後個女主人就同印印講嘢...根本聽唔到佢講咩...但班八婆就自己喺度配音...話個女主人喺度鬧個印印...之後又話最憎呢 d 人...有個錢懶巴閉...駛死人...係咁喺度鬧鬧鬧...足足話咗成十幾分鐘...又講埋 d 粗口...我都忍唔住用 d 郫視眼光望下佢地...好在佢地話人多唔好霸住張枱要走咋...唉...食店又嘈...搭枱班人又嘈...所以食完就拿拿聲走...唔係遲早會頭痛呀!!
唉...唔知涷到幾時呢??依家瞓覺真係要掙扎一大輪先上床瞓...因為張床同張被超級涷呀!!不過...里奧大人又幾好喎...呢排臨瞓前會早 d 上床...坐喺我瞓嘅位置...等我唔駛涷冰冰...算佢啦

      

今朝要番工喇...好辛苦呀...
我估今日都仲有好多人未番工...車程好順...又難得美心唔駛排隊...所以食咗糯米雞 + 即磨咖啡 ($20)...耐無食過好味嘅糯米雞...所以心情都變得相當唔錯...雖然有 d "眼鯨鯨"...唔知點解...人病我病...病得咁有胃口嘅...
番到公司諗住做嘢...但 system shot 咗...所以唔駛做住...咁都好...因為食咗藥好攰...好辛苦呀

晏晝去美心皇宮食開年飯...最正係三點半可以放工呀