香煎芋餅 (樣衰版) + 後備鵝掌亦

自從情人節食得飽得滯之外...之後又成日出街食...早餐又食埋麥記...我覺得自己好似食滯咗咁

尋日晏晝同同事 3b 食粥...我食皮旦豬潤粥 ($20)...我覺得 d 粥無咩味...同埋又驚 d 豬潤唔熟...所以食哂粥先食豬潤...好漏呀

成 4 點先可以上網做嘢咋...無得上網真係好慘...悶到爆炸

一心諗住整 blog 友通少嘅芋餅...所以一早起身已經浸定冬菇...放工就即刻去買芋頭 ($10 / 個)...驚自己整得唔好食...所以買定兩隻鵝掌亦 ($18) 做後備

是日晚餐 : 香煎芋餅 (樣衰版) + 後備鵝掌亦
香煎芋餅 - 其實本應想唔整住...但通少話易到爆...易到爆喎...咪試下囉...所以步驟跟足通少...不過材料就用臘腸...無用花生...首先我用輕鬆嘅心情入廚房 ready...切粒呀...煲芋頭呀...炒香冬菇臘腸蝦米無難度...但當我做芋泥時...壓到手都軟...忍唔住同里奧大人講話通少話易到爆喎...呃人嘅...點知里奧大人笑笑口話 : [ 係呀...係易到爆...通少係話對於自己黎講係易到爆喎...人地煮開嘢食家嘛 ]...唉...原來真係太高估自己能力啊!!講番煎芋飯先...我覺得自己做芋泥嘅步驟做得唔好...太大件喇...因為我食芋泥糖水係求其一 pat...所以我都係求其一 pat 大大件就算...雖然大大件...但都有十幾件....我已經頭都暈埋....兩個人點啃呀??唉...到煎果陣時一壓又好易散...所以我都係輕輕咁按下就算...但都好易燶喎....我根足指示用中火架??通少係煎到金黃色...而我係煎到啡黑色...仲有仲有...整呢個芋餅...我足足用咗一個鐘頭零十分鐘喎...不過..雖然樣衰....但里奧大人同我都覺得食落又幾好味喎...真係要多謝通少嘅分享

鵝掌亦 -  好在買咗...因為芋餅好漏...所以一路食一路點鵝掌亦嘅白醋...無咁漏...
食食下飯同里奧大人傾計...我問里奧大人...如果想食 nuts 你會唔會買黎食架??里奧大人答 : umm...睇下有無需要買黎食...如果有益嘅就會買...如果咁咁咁...下冊數十字...我即刻話得喇...唔駛講嘢...顛架....問會唔會買黎食啫...答會定唔會咪得囉...up 咁多嘢...傾閒計啫...唔駛 professor 上身咁分析咁多嘛...
尋晚天氣無咁涷...所以同里奧大人跑步...番到屋企之後 upload 相...順便睇下通少嘅 reply...睇到話壓個餅唔好大厚...太大件呀...但一切已經太遲喇

      

今朝食咗芝腿菠蘿包 + 熱央 ($16)...番到公司勁唔舒服...我覺得係飲咗杯熱央作怪...攪到我想嘔想嘔咁...又有嘢做...辛苦 c

晏晝又係食芋餅...好好好好好好好好滯呀...黎緊呢幾年真係唔想再食有關芋頭嘅嘢呀