8 週年結婚紀念日 @ 潮樓 ( 旺角店 )

( 鹵水鵝片 - 味道一般 )

( 蠔砵 - 好似食燉蛋咁  得幾隻蠔仔  我覺得唔好食 )

( 蠔仔肉碎粥 - 必叫    因為鍾意食 )

( 金華四寶蔬 - 麻麻地  至在有菜食下 )

( 酸梅湯 - 甜到爆  超難飲 )

尋日雖然同里奧大人結婚 8 週年   但都唔會點特別慶祝   老夫老妻咯   平平淡淡我已經好滿足架喇 

其實呢排大家都好攰   差 d 都唔記得 9 月 9 係咩日子添呀   不過 9 月 9 又太好記喇   唔多唔小都會記得 d 嘅 

尋日里奧大人仲係唔多舒服   所以請假休息   係請 annual leave   唔係 sick leave 喎   因為佢公司 1 年得 4 日病假咋   都唔知有無搞錯 

我地約咗喺佐敦等   因為要拎迷你雪柜 ( AIG 迎新禮品 )   拎完再出旺角飯飯慶祝 lu 

想食泰國嘢   韓國嘢   打邊爐   但通通唔得   里奧大人話唔舒服唔想食喎   咩 mood 都無哂   叫佢自己諗喇   咁啱睇到有潮樓    所以就去食 lu   因為已經 7 點   再周圍搵就要等位架喇   你知旺角無時無刻都超級多人架啦 

其實兩個人食中餐真係幾煩   太多食唔哂   太小又唔夠飽喎   但今次真係眼闊肚窄   食到我好辛苦呀   飽到個肚想爆咁呀   但最終都食唔哂 d 嘢囉   嘥哂

去潮樓 / 潮館都幾好架   因為唔駛加一同茶芥等等   今次埋單 $280   真係慳幾十蚊架 

番到屋企   里奧大人話知我鍾意飲珍珠奶茶    所以晏晝特登買杯比我   諗住頭先帶埋比我飲   咁諗住用保溫杯裝   但保溫杯好大陣中藥味   所以唔拎   留番比我番屋企先飲喎   9 點幾飲珍珠奶茶   真係唔駛瞓咯

尋晚最開心係里奧大人收到做功課嘅成績係 A 呀   佢都難以置信呀   因為佢話求其做   估唔到可以攞 A 囉   我地相信係神嘅恩典   願榮耀歸與神 

   

 

 

 

 

 

 

好在尋晚都瞓到   但瞓得唔係咁好囉   因為成日去廁所呀

d 嘢食仲未消化完   所以食 d 無咁飽嘅早餐   就係 kfc 嘅牛角包 + 咖啡 ($12)   好耐無食   所以覺得幾好味 

番到菇場   周身唔舒服   我發覺呢排飲完咖啡就係咁   成個人好奄悶咁   睇黎真係要戒喇  

晏晝去 ikea 食 lunch   食海鮮蕃茄汁意粉 + 肉丸 + 磨菇吞拿魚批 ($54)   諗住順便買狗床    點知未番貨   尋日又話今日有貨   點搞架