魚香茄子煲

尋日 2 點幾食咗感冒 panadol   點知放工坐巴士時先覺得晏瞓   好在瞓到屋企附近扎醒   雖然仲想瞓   但就迫自己要爭大眼等落車   唔夠瞓要起身真係勁想嘔呀

一落車仲衰   踩到唔知咩嘢   差 d 向後跣落地   好在下盤穩健   唔係就撻落地就肉酸到爆架喇   不過   我覺得跣親都勁樣衰囉 

尋晚只係去超市買豬肉 + 生果 + 零食就番屋企 lu 

是日懶餐 - 魚香茄子煲
魚香茄子煲 - 超簡易   材料只係 2 條茄子 + 免治豬肉 + 1 小件鹹魚 + 魚香茄子醬料包     味道同出面食嘅一樣架   我再加埋鹹魚   超正呢   出面嘅魚香茄子好油   但我呢個就唔會好油  不過賣相就樣衰 d 囉

呢個餸我用咗 2 條茄子 + 3 湯匙嘅免治豬肉黎整   基本上呢個餸嘅份量兩個食係唔算多    但食剩 5 - 6 條茄子嘅時候   我叫里奧大人食埋   因為食多 d 瓜菜有益   點知話好飽   我真係火都黎   因為碗飯唔係多 ( 1 碗都唔夠 )   碟餸又唔係特別大   飽咩啫

又話要我煮小 d   大佬   得一個餸咋   唔係好多啫   今次份量又唔係好大   我最憎佢就係一叫佢食蔬菜就成日叫我煮小 d   所以我好慶話   咁我唔煮喇   出街食唔好煩呀   麻麻煩煩咁   又唔知諗煮咩幾咁辛苦喎 


   

      

今朝撞計   超眼瞓啊   星期五應該好開心先係家嘛   但點解會攰到無哂心機架

早餐食鹹牛肉蛋治 + 奶茶 ($16)   鹹牛肉超小   簡直唔覺佢嘅存在   只係好似食緊蛋治咁   再加上自己又唔記得要烘底   所以仲覺得唔好食

番到菇場又係坐到收工   陰公咯

晏晝 only me   因為里奧大人要同同事食 farewell 呢   所以我買粉果燒賣炒麵番公司食 lu   去買嘢食嘅時候見到里奧大人   企埋一邊問佢去邊度食 lunch   d 感覺好搞笑   好似見到 d 舊同事咁