中秋做節 ＠ 佐敦稻香

尋日食完 tea 就要拿拿聲出去探平仔喇   因為佢轉咗去九龍醫院療養   唔多就腳   落車要行成 20 分鐘先到呀 ~~ 
因為 6 點要到佐敦   所以探咗平仔 20 分鐘就要打的去佐敦喇 ~~ 
尋晚奶奶可以同醫院申請出街食飯   所以都可以同奶奶做節   近近地去佐敦迎喜   10 幾人到   所以叫兩個餐   $1998 包一打汽水包茶芥送 2 jar 橙汁 2 支燕京啤酒   但 d 嘢食就唔多掂   唔熱嘅   做諗住稻香集團 d 質數應該無問題   點知都係唔掂嘅   其實我最唔鍾意正日做節   因為 d 嘢實唔好食 ~~
之後同里奧大人行一陣尖沙咀就走喇   因為天氣實在太熱喇 ~~ 
突然好想食榴槤   所以去滿記外買榴槤 pancake   超好味呀   最正係屋企附近有滿記嘛 ~~   

又突然間好想睇劉美君演唱會   所以走去租 dvd   不過都應該有番咁上下年紀先睇佢   以前我好鍾意佢架   不過依家就無咁鍾意 lu ~~

 

      

難得假期   所以同里奧大人又去番學利食早餐   食完就番屋企休息喇 ~~ 

睇下電視   又睇下雜誌   話咁快又到食 tea 時間   去大家樂食嘢   因為好想飲珍珠奶茶呀 ~~