菜甫肉粒 + 扮蝦仁炒飯 + 蒜蓉蒸茄子

尋晚去到街市   個個買菜亞姐都話打風呀   平 d 賣咁   都唔知係唔係真係打得成呢   不過就真係好焗   勁辛苦囉   
我都驚打風無菜買   所以就買咗 1 份節瓜 ($5) + 1 份茄子 ($5)   之後再去超市買豬肉 ($17) 就番屋企 lu

番到屋企洗個臉   坐一陣就 ready 晚餐喇 

是日晚餐 - 菜甫肉粒 + 扮蝦仁炒飯 + 蒜蓉蒸茄子
菜甫肉粒 - 今次懶   所以無浸菜甫   鹹到震   本來想整椒醬肉   但唔記得買豆腐乾   所以求其用磨豉醬炒就算喇 


扮蝦仁炒飯 - 因為菜甫肉粒已經好鹹   所以炒飯唔會再落老抽同生抽   但望住 d 飯   白雪雪勁單調   所以加咗幾隻急凍蝦仁同雞蛋同蔥花   剎那間變成一碟賣相幾好睇嘅炒飯   好有滿足感呢 

蒜蓉蒸茄子 - 茄子大大條   唔食對唔住自己   所以求其用蒜蓉 + 豉油蒸就算喇   清清地唔錯丫


唉   天氣太焗   一心諗住食完飯跑步   但里奧大人話太焗唔好跑步喎   所以都唔跑喇 

      

今朝好在無落雨   仲有 d 陽光添   又唔似作打風喎 

早餐食吉列魚柳餐 + 熱奶茶 ($21)   依家飲奶茶有 d 反胃   我只係飲半杯   但唔飲又眼瞓   飲咖啡仲反得犀利   所以好耐無飲   唔通第時要飲檸茶提神   我怕削胃喎 

番到菇場個個都話會打 8 號風球   但上網睇話應該黃昏前掛   係掛就快 d 啦   放早兩個鐘都好丫

晏晝同里奧大人去最近公司嘅茶餐廳食 lunch   因為里奧大人食完要上深圳攞嘢呀   所以近近地算喇   食好有早餐 feel 嘅午餐 

發=