香煎鯪魚餅 + 青紅蘿蔔粟米豬骨湯

尋日唔夠瞓   又作感冒   所以個人唔多舒服   放工即走   番屋企同里奧大人食 lunch   無咩胃口   所以要食酸辣米線

我個人好古怪   一諗到想做就做   唔做會覺得周身唔舒服   點解咁講   因為一早已經諗住煮飯煲湯   但個人無厘精神同胃口   所以想煮又唔想煮之間   但食完行陣又無咩事喎   所以都係照原定計劃進行喇

自己去百佳   因為要退番罐金寶忌廉湯   退番 $7.9   咁又幾好喎   好似無啦啦多幾蚊駛咁    之後買豬骨 ($28) + 免治豬肉 ($15) + 1 包急凍即食蝦 ($88)   因為買滿 $50 有 9 折   呢間超級廣場都幾好   耐唔耐會有呢個 promotion   呢個時世   慳得幾多得幾多啦

買完再去街市買鯪魚肉 ($6) + 紅 / 青蘿白 + 粟米 ($17) 就番屋企喇 

行一轉街市搞到成身汗   沖完涼先有心機整嘢    

因為 8 點半做家好月圓   所以拿拿聲煲湯   之後又忍唔住熨衫   攰到痴線   但又唔想留番第日做   因為發覺自己惰性越黎越犀利呢

是日懶餐 - 香煎鯪魚餅 +  青紅蘿蔔粟米豬骨湯
香煎鯪魚餅 - 太攰喇   所以無加臘腸同東菇撈埋一齊醃   但煎嘅時候加小小黑椒   咁就無咁腥   同埋辣辣地幾開胃呢

青紅蘿蔔粟米豬骨湯 - 太攰喇   所以唔拻粟米喇   原來唔拻粟米真係慳咗好多時間架   所以第時都係一碌碌粟米咁算 lu   無買菜   所以要連 "渣" 都食埋呀

食完拿拿聲洗碗   沖涼   咁就可以他他條條睇家好月圓喇

      

今朝無番教會   點知瞓到 11 點半   所以只可以食燒賣腸粉 + 炒麵做早餐   其實我唔係咁鍾意瞓到咁晏 (除非唔舒服)   如果唔係好似好嘥時間咁   因為我覺得星期日 d 時間過得勁快呀  

 

食完同里奧大人買生果   買香蕉 + 木瓜 + 西瓜 + 鴨梨   難得里奧大人喺度   所以買定多 d 生果   因為生果好重呢

發