韭菜豬肉雲吞 + 隔夜湯

尋日成 12 點先食完早餐   12 點幾番到屋企   拖下地執下嘢又已經 2 點幾喇 

又即係時候食 tea   又係因為要睇家好月圓大結局   所以一定要好好安排 d 時間   咁就可以睇得安安樂樂喇 

大熱天時   真係唔想食飯   所以又去食粉麵   辣辣地   巧開胃呢

食完買雲吞皮 ($3) 就番屋企喇   因為要煲雪梨水   成日覺得煲完出黎 d 雪梨好鬼嘥   但又唔想食喎   因為林 pat pat   d 口感好核突呢 

是日懶餐 - 韭菜豬肉雲吞 + 隔夜湯
韭菜豬肉餃 - 用雲吞皮無咁飽   但都係覺得 d 肉好鞋   都唔知點樣先整得好   湯底唔想用雞粉   所以用 1 湯匙冬菜做湯底   仲諗住好鹹   點知一 d 味都無嘅   激屎人喇 

隔夜湯 - 無用隔油壺   所以好計油   不過都好好飲喎

又係拿拿聲洗碗   沖涼   做 mask   之後就坐定定睇家好月圓大結果喇   個結局有 d 同雜誌講嘅有出入   咁都好   有 d 驚喜   最緊要係 happy ending 嘛 


 

      

今朝呢   心情唔錯   不過鼻重重似作感冒呢   麻計煩

早餐食芝蛋治烘底 + 熱奶茶 ($16)   都係覺得飲熱奶茶好味 d   因為呢幾排成日飲凍嘢   覺得對身體唔係咁好咁嘅

番到菇場有嘢做   做完又拿拿聲 m 喇   如果唔係成日會好難過呢

晏晝同里奧大人食車仔麵  ($43)   我覺得自己感冒   所以食多辣    因為 d 辣汁係有薑蓉嘅   食完個人真係舒服好多喎   唔知係咪同 d 薑係驅風寒有關呢   但里奧大人就慘 d   小小辣都話辣   真係丫 

如果兩個人食嘢口味唔夾真係幾慘   因為自己鍾意食嘅嘢就肯定想同自己鍾意嘅人一齊食   但奈何對方又唔鍾意   都咪話唔慘呢  

發