酸辣米線 @ 大埔

尋晚要參加一個醫治釋放嘅敬拜會   因為 8 點開始   所以唔可能煮到飯呢 

尋晚勁開心呀   因為可以同里奧大人一齊放工搭車番屋企   好耐無試過喇

其實仲好感動   里奧大人知我好多病痛   難得呢個係醫治嘅敬拜會   所以特登早 d 起身番工   7 點 8 番到公司呀   我初初以為佢講錯添呀   為咗我   佢咁辛苦   個心真係有 d 痛呀   所以放工去 panash 買芝士麻薯比佢食下   等佢都知我對佢好好架

因為我地唔識去敬拜會   所以約埋里奧大人 2 家姐一齊食酸辣米線   之後一齊搭車去呀

敬拜會由 8:00pm - 10:00pm   但差唔多 11 點先散會   所以番到屋企沖埋涼都要成 12 點呢

      

      

今朝 6 點半起身梳洗   因為約咗媽咪同朱朱食早餐   好好好好攰呀   但又好好好好開心呢

去到 7 點半   仲未咁肚餓   所以清清地食吞拿魚治烘底 + 凍奶茶 

之後又上媽咪屋企坐陣傾下計先番菇場   朱朱又比我抱到就黎瞓咁   好唔想放手啊   如果唔駛番工幾好呢

放工即刻走人   里奧大人今日 off   所以等我番去食 tea   又係去茶餐廳   今次我食墨魚丸腐皮角金邊粉   里奧大人食鹹魚雞粒炒飯 都明點解 d 男人食 tea 都要食得飽過人嘅