瑤柱燜節瓜 + 黑胡椒扎肉 ( 12-DEC-2013 )

( 12-DEC-2013  WED )

瞓得唔錯   不過黑眼圈仍然好勁   無咗黑眼圈   個人都後生幾年咁呢 ~

今朝唔係太餓   所以早餐又食奶油多 ~

9 點半要同 Partner 去隔離倉搵 File   之後搞掂哂都 11 點 lu ~

今日菇場唔忙   阿 Head 又唔喺度   可以盡情 Load 相 ~

晏晝有 Lunch Box   依家換咗細嘅 Lock Lock 盒   感覺好似輕好多   同埋唔想比自己食咁多嘢呀   哈 ~

洗碗嘅時候同同事傾偈   講開蒜蓉同洋蔥   我話蒜蓉會買現成一樽嗰啲   咁有時想食洋蔥   但唔想切咁耐   所以改為食乾蔥   唔駛切咁耐嘛   之後佢話我懶呀   話睇我個樣好似煮嘢食好勁咁喎   衰 CC 仲衰   問我沙律用咩粟米 ?!   我話罐頭粟米   之後佢居然話我衰過佢喎   佢都係諗住買急凍嘅粟米粒   估唔到我懶到買罐頭粟米喎   大佬   佢一年整一次嘢食咋   所以樣樣都想新鮮   我話叫佢自己種埋粟米等修成慢慢拻嚟食   有一年時間預備   咁樣打擊我   嗚嗚 ~

放工唔駛去買餸   所以番到屋企又開機洗衫   抖一陣就燜節瓜   差唔多 7 點   里奧大人打嚟話放工   問我煮咗飯未 ?!   我話煮咗啦   之後佢用好可惜嘅語氣話仲想出去撐枱腳   我話今晚煮媽媽麵   佢用好開心嘅語氣話都好喎 ~

是日懶餐  - 瑤柱燜節瓜 + 黑胡椒扎肉 

瑤柱燜節瓜 - 媽咪之前幫我浸咗啲大粒瑤柱   所以想快啲食   清哂雪櫃啲嘢 ~  

黑胡椒扎肉 - 燶咗啲   因為無咩心機煎   不過都好好食㗎   哈哈 ~   

搞掂哂就沖涼   難得里奧大人咁早番到屋企   仲唔駛做嘢   實在太感恩喇   所以佢可以一路食布甸一路睇電視劇   我見到佢咁 Relax   我就最開心呢 ~

真係一啖一椰果呢   好味呀 

今晚佢 10 點 45 分瞓覺   咁之後我都瞓喇   天氣凍真係好快眼瞓 ~