泰驚無險。買買食食嘆嘆嘆 @ 曼谷。泰國 DAY 5 (PART 2/2) ( 4-DEC-2013 )

繼續行程 Part 2 ( 4-DEC-2013  WED  Day 5 )

按摩完之後就行番去 Emporium   因為要去 Boots 買多支唇瘡膏   買完之後就去食 Lunch 喇 ~

呢條行人路其實唔好行㗎   特別係夜晚就要更加小心咁行   因為無啦啦會有啲電錶凸哂出嚟   會好易撞親   同埋又會無啦啦有啲電線喺妳頭頂位置   又有啲路係凹凸不平咁呢

泰國的士好 Colorful   不過唔知有咩分別

必經嘅化妝品區   個個都係咁上妝上妝

Boots @ Emporium 3/F

好落本去裝飾呢

@ Emporium - 杯杯碟碟全部都好靚   呢啲係膠碗碟

屋企有套就好喇   我好鍾意個食物罌

我超鍾意右手邊嘅大匙更

1 點半左右去 Ging Kalpapruek 食 lunch   食完之後就番酒店 lu ~

Sticky Rice with spicy Minced Pork (140B) - 其實係香港食嘅生菜包   不過呢間就係改為 Sticky Rice   唔係生菜   但估唔到好好味呀   辣辣哋   我喺香港係唔鍾意食呢個菜㗎   但呢間整得好好食   但里奧大人話好辣   唔敢食

Noodle in Spicy Prawn Soup (210B) - 絕對有驚喜   酸辣適中

有 5 隻蝦咁多

闊身河粉

Fried Spring Roll (120B) - 無咩特別   係想食下炸嘢咋

Alfredo (Latte + Chocolate + Whipped Cream + Form Milk) (110B) - 尋晚已經話飲㗎喇   里奧大人仍然飲番尋晚杯 Herbal 凍飲

Coffee Meringue (100B) - 我超級勁大愛呀   所以食咗 2 件   咁其實食完 1 件嘅時候   里奧大人話去完洗手間就預備走㗎喇   咁我又心大心細叫唔叫好   之後等埋里奧大人番嚟   我問佢夠唔夠錢食多件   佢話夠錢   咁我就再食多件啦   超級滿足呀   因為我不嬲都唔好甜品家嘛

焦糖 + 杏仁   絕配呀

我覺得啲 Cream 都好厚

咩角度都要影下    哈哈

其實我次次都食剩啲 Cream   所以唔覺得好甜同好漏囉   哈哈

呢餐食咗 1,020B

里奧大人驚 Overweight 要罰錢   所以想兌換多 HK$1,000   我話唔駛咁多啦   所以佢兌換咗 HK$300 (4.06)   之後就好安心咁坐 Tuk Tuk 番酒店拎行李喇 ~

兌換率仍然係 4.06

曬到呢

我同里奧大人講話點解今次 Tuk Tuk 咁 "鄧"嘅   坐到我好辛苦   同埋轉彎好似就嚟飛出去咁   之後佢話   因為我坐後面呀   之前係坐前面喎   唔怪得咁 "鄧" 啦   佢仲衰   成日叫我坐車時唔好同佢坐埋一邊   話驚反車喎

沿途

沿途有呢啲檔口仔   不過真係唔敢食   太多塵啦   附近又起緊樓   咪搞

附近都係日本居酒屋   所以好多時都見到日本人   尋晚見到 7-8 個日本人食完飯行出嚟   幾咁開心呀

我真係聽到有人唱 K

酒店職員幫我哋 Call 咗的士   所以我哋要等咗一陣   咁我又影下相啦   無咩好做嘛   哈哈 ~ 

再嚟影下酒店大堂   下次用另一個角度影先   哈哈

                    

我鍾意 Marriott 原因係佢好多都用紅色設計

呢架車係酒店包車去市集火車同水上市場   咁下次可以唔駛煩 lu   同埋呢架車肯定坐得舒服   哈哈

吊臘鴨

今次要坐大的喇   有 4 個酒店職員幫手搬行李上車

求其擺    哈哈哈哈

再見喇 Marriott   我唔會唔捨得你   因為我會再番嚟見妳㗎   哈哈哈哈

開車之後   里奧大人問司機 How Much ?!   同埋要佢開 Meter   點知個司機話公司同佢講咗收 800B    我哋即刻叫佢停車呀   之後佢叫酒店啲職員講囉   我哋同酒店職員講係要 Meter   如果唔係唔會坐   今次好在里奧大人問一問咋   因為我完全係大安旨意開 Meter 添 ~ 

沿途個司機係咁講 Sorry   係咁話係公司話收 800B   唔關佢事   講到我都識背   之後仲奇怪   無啦啦問里奧大人美金兌換率幾多   拎咗張 US$100 想同我地唱   里奧大人話唔知   同埋話要美金都無用   佢先收番埋   我同里奧大人講   呢個司機好似要呃到我哋為止咁 ~

附近好多 Apartment

先嚟 Highway Toll (20B)

我哋全程行緊 "路肩"

再嚟 Highway Toll (50B)

差唔多到機場喇

3 點半左右去到機場   都算快呢 ~

去機場嘅 Meter 價錢加埋 Highway Toll 再比埋 Tips 都係 400B   頭先話收 800B 真係過份喇

OX 今次超衰呀   直頭堅持唔比 Allowence 添呀   剪髮表妹話佢上次 Overweight 咗唔少都無罰錢   咁我唯有拎哂最重嘅火牛同叉電器入我背囊啦   最後都只能夠將 2 大喼 2 箱麵寄倉   細喼跟身   點知 X 光機一照   職員叫我哋開喼   我哋先記得細喼係放咗 Lotion 同 Scrub   所以上唔到機   要比稅呀   咁里奧大人又要落番去柜位搞一輪   我就喺樓下等佢   不過佢番嚟話下次都係一齊去搞   我心諗以為佢發脾氣   原來佢話驚我唔見咗   我咁大份   無人抬得郁啦   哈哈 ~

行去搵食

睇番張單   里奧大人應該叫咗加大   因為我見人哋啲薯條無咁大包囉

我太飽喇   所以唔食包呀   但要幫手食薯條囉   不過最後盡咗力都係食咗 1/3 包薯條   因為真係好鬼飽呀我

324B 唔平喎   仲要唔係好食添   香港 Burger King 係粗薯嚟㗎

好多外籍人幫襯   Burger 最啱佢哋啦

無啦啦 5 點 35 分 final call   嚇到我哋急急腳走呀 ~

泰皇 12 月 5 日生日   所以有好多慶祝活動呢

我第 1 次係 Final Call 先上機咋   阿奧等埋呀

5 點 50 分準時起飛   唔知點解無啦啦越坐越凍   我要即刻着住里奧大件長袖 Tee   之後要 2 張毯包住個身   1 張毯就包住個頭   咁里奧大人再去拎杯熱水比我   飲完好少少咁啦   係差唔多落機先叫做暖啲咋   可能我着裙呀   不過里奧大人話機尾就超焗   呢程機嚇到里奧大人暈咁滯   因為我真係好少寒成咁呢 ~

坐 Window Seat

仲喺泰國

好多棉花糖

番香港洗衫喇

前面係商務客位   所以一開機就會關哂窗喇

難食飛機餐

里奧大人專心睇戲

差唔多到香港 lu   因為開哂啲窗

香港時間 9 點到香港   快咗半個鐘喎   正呀 ~

人同物都安全到埗

今次要打的番屋企喇   番到屋企即刻沖涼   之後先拎啲嘢出嚟   搞到 11 點幾都瞓 lu   咁聽日再執啦   今次買啲嘢唔係咁雜嘛   所以應該可以好快執好   係洗衫先最耐呢   好在天氣乾燥   啲衫都好快乾 ~

家姐排好哂啲報紙等我哋番屋企睇呢   佢仲每晚幫我餵魚㗎   所以一定要買手信比佢呢