泰驚無險。買買食食嘆嘆嘆 @ 曼谷。泰國 DAY 5 (PART 1/2) ( 4-DEC-2013 )

( 4-DEC-2013  WED  Day 5 ~ Part 1/2 )

Last Day 喺泰國喇   所以今朝要 8 點半起身   9 點落去食早餐   唔知幾時再可以嚟食呢   同埋下次再嚟   我仍然係每朝食 2 碗魚蛋米   哈哈 ~

今日都多人呀   因為記得上年嘅平日係無咩人食早餐呢

呢個男仔好怕羞咁問我係咪攝影師   因為見我咩都影一餐

又影下白淨哥哥先   因為我覺得佢咁白淨唔似泰國人呀

原來每日都有新嘢   可能我之前雙眼只有魚蛋米   哈哈

比哂我就好 lu

今日坐呢度   咩位置都坐過哂   呵呵

真係好鍾意張 Placemat

我望完杯咖啡之後就好驚訝同里奧大人講   原來男仔杯咖啡係大啲   女仔果杯係細啲㗎   佢點頭話係   之後無啦啦問我要唔要落奶   我話唔駛   佢話佢嗰杯落咗奶   咁即係唔係男仔大杯啲啦

呢幾餐都有食蛋   我自己都估唔到會咁

Over Easy (黃身半熟)

Sunny Side Up   我食到好飽   所以呢隻係孝敬里奧大人

我嘅至愛   跟我番香港啦

其實有時一啖可以食哂啲米粉   里奧大人都話我勁   真係可以日日食   駛乜講   都係嗰句啦   一碗得 2 啖米粉   根本唔會太飽肚囉   算啦   我都算係有食力嘅

求求其其咁擺   一定係里奧大人嘅   今日終於見到炒飯喇   哈哈

好味道   所以要打孖上   我真係飲哂㗎

就係呢個男仔特登拎碟辣椒粉比我㗎   佢見我問白淨哥哥有無辣椒粉   佢都好主動問我要咩   之後見佢好落力咁開哂啲櫃桶搵㗎   感動呢

我鍾意啲酒店係插卡上房   好安全

沖埋涼搞掂哂啲行李   11 點 Check-out 喇   咁將啲行李放喺酒店 Lobby   食埋 Lunch 先再番嚟拎 ~

我好有手尾㗎   執番乾淨張枱先走人

3 喼 + 2 袋 + 1 背囊 + 2 箱

終於可以日頭揹住佢喇

塞住 Lift 口   唔比人入

呢個職員放緊電   哈哈

其實 Total 係 7 件   因為最後加埋個 Backpack

靜靜哋等我哋番嚟

Book 咗 11 點去按摩   所以坐 Tuk Tuk 出去 Asia Herb Association   由於時間關係   所以做普通按摩 (1,100B) ~

啱啱影到 Tuk Tuk 司機   佢好好笑容架   同埋特登等我影完先開車走呢

日光日白嘅 Asia Herb Association   好有火熱嘅感覺

呢幾次我都係要 Medium   但今日個按摩員超勁大力   我要番 Light 呀   尋晚里奧大人學人要 Firm / Deep   之後佢嗰樣係十級痛苦   最後要改番 Medium   咁我番到香港之後 2 日   里奧大人見到我隻腳瘀瘀青青   問我點撞到   我話無撞到喎   之後佢話應該係最後嗰日按摩按到瘀囉   但其實我一早都話嗰日個姐姐特別大力㗎啦

我鍾意咁樣比妳揀   唔駛成日問嚟問去   咁樣可以安心比佢哋按呢

終於儲齊印花喇   希望下次可以用到啦   哈哈

上次嚟嘅時候   天書有 Coupon   送咗 2 個 Herbal Balls

如果屋企有微波爐都會買嘅

好整齊嘅 Menu

我最鍾意係咁樣洗腳   唔係個個用同一個桶洗腳呢

我好鍾意嘅 Pattern

里奧大人問我買唔買番對

唔會伸到啲腳指出嚟

我哋面向牆   所以無咁陽光普照

最後都忍唔住買呢個 Key Holder   里奧大人話唔知買嚟做咩喎   HK$25   佢話係得我一個會買咋喎    哈哈

個紙袋仲靚過 Key Holder 呀

呢日未完㗎 ^^