勝利大排檔 @ 九龍灣 ( 7-DEC-2013 )

粟米斑塊 - 份量好多

香煎蓮藕餅 - 估唔到去大排檔都要食蓮藕餅   不過好油   同埋我唔太鍾意用豬肉   鍾意就咁鯪魚肉多啲   食剩 3 塊   咁打包留番聽晚做餸 

中式牛柳 - 好似有 6 塊   同埋都幾大塊   個汁好好味   下次到我翻兜呢個餸   哈哈 

滷水鵝掌翼 - 都好厚肉   同埋得我一個人   所以都好飽   不過就無食到啲花生   我唔鍾意食烚花生呢    

豆豉鯪魚炒油麥菜 - 又係好大碟   所以食剩大半碟   又要打包   呵呵 

蒜蓉炒菜心 - 好油呀

( 7-DEC-2013  SAT )

今朝 8 點起身啦   要番工呀   好在又唔係好眼瞓咋 ~

無咩胃口   所以食半份吞拿魚碎蛋治   不過呢間食完之後   成件衫係油煙味 ~

番到菇場忙咗陣就 Hea 過喇 ~

之後打比媽咪同家姐   佢哋聽到我把聲好愕然咁呀   家姐話好耐無睇到我公司電話號碼喎   黐線   媽咪就以為係銀行打嚟   好搞笑啦   我都話咗今日要番工㗎啦 ~

今日超市雙倍印花   咁我就幫菇場掃完貨先番屋企呢 ~

勁餓呀   因為要買熨衫板墊   所以去靚記食喇   食完再去買墊 ~

好少見到啲水餃係咁樣擺   好立體好得意

有氣有力喇   要執衫啦   不過其實都執到好攰   因為真係超級勁多衫   我話呢 5 年都唔好再買衫褲鞋襪喇   真係諗起執嘢都驚   之後我同里奧大人講   "除咗錢   我咩都要"   其實我係想講 "除咗錢   我咩都唔要呀"   哈哈哈哈   如果唔係里奧大人笑住話我咁折墮   我都唔知自己講錯嘢呀   哈 ~

6 點半出門口喇   約咗姑奶食晚飯呢   今晚去大排檔食呀   但隔離枱食煙   講嘢又大聲   好在之後佢哋搬枱   耳根當堂清靜哂呢 ~

食完就上姑奶屋企   睇下佢執屋執成點   都好過之前㗎喇   但都係咁多嘢囉 ~

番到屋企都 10 點   沖完涼之後   整呢樣整嗰樣   又 12 點先瞓 ~