滷水燻蹄 (外賣) + 長紹菜 ( 19-DEC-2013 )

( 19-DEC-2013  THU )

今朝里奧大人終於要請 S/L 呀   最衰佢後面 2 個同事啦   係咁咳又唔戴口罩   其中一個同事仲衰格呀   佢之前好似咳定咩啦   咁同里奧大人 & 阿 Head 傾公事就唔戴口罩   之後同老闆傾嘢就戴口罩   真係頂佢吖   賤到無朋友呀 ~

咁里奧大人就喺屋企好好休息   我就仍然要出外拚博   哈哈 ~

早餐食餐蛋治烘底   最終都係食唔哂   因為真係好鬼漏 ~

雖然身在菇場   不過我都諗定   如果里奧大人醒咗之後睇醫生   咁我會陪佢食 Lunch   反正我又無有飯嘛 ~

菇場無咩嘢做   等呀等   終於等到里奧大人打嚟   同佢講我會陪佢食 Lunch   佢都好愕然   哈哈 ~

Lunch Time 即走啦   感恩有巴士   即打比里奧大人啦   佢話啱啱換好衫   之後到我落車喇   佢話我咁快到喎   所以我要去茶餐廳搵位先啦   其實我仲趕啦   佢應該預時間嘛   點會要我等㗎 ~

食到差唔多 1 點 20 分   之後同佢去東海堂買蛋糕   咁我就走喇 ~  

頻頻樸樸啲時間真係過得勁快   所以要比自己多啲時間抖抖  哈哈 ~

今晚唔駛買餸   放工就行下商場先   買咗盒花竹生糯米糍   之後見到水草阿姐   傾咗陣就走 lu ~ 
 
番到屋企即浸菜同洗衫   之後問里奧大人餓唔餓   佢話可以食得   不過我話我未餓   所以無咁快食住   呵呵 ~

今晚煮出前一丁比佢算喇   我就咁食餸   因為晏晝果餐仲未消化完 ~   

是日懶餐 - 滷水燻蹄 (外賣) + 長紹菜 

滷水燻蹄 (外賣) - 尋日喺百佳買   $25.9   第一次食咋   味道唔錯喎   不過底下係擺啲豬骨嘅   唔怪得個盒咁脹卜卜啦 ~   

長紹菜 - 都係尋日喺百佳買呢   好似 $6.9   估唔到都幾甜幾好味 ~

食完就同里奧大人一齊落去生果店買木瓜   但唔靚仔   所以又去百佳買喇 ~

番到屋企洗埋碗   抖陣就沖涼 lu   之後再食花生糯米糍 ~  

里奧大人 10 點就瞓喇   不過我就 10 點 45 分先瞓   如果唔眼瞓而瞓   反面瞓得更加唔好呢 ~

花生糯米糍 @ 金牌雞蛋仔 - $10/盒   都幾好食   不過如果再煙韌啲就更好呢