住家飯 @ 媽咪屋企 ( 20-DEC-2013 )

乳豬半隻 (外賣) - 家姐食咗 4 嚿   媽咪食咗 1 嚿   其他我食哂   勁呀

黃金海中蝦 (外賣) - 無咩味噃

蒸龍躉仔 - 媽咪要夾起未落豉油嘅肉先   所以之後會變咗咁

灼黃芽白 - 喺百佳買   煮完出嚟發現有好多黑色點點   好恐怖

牛蒡粟米紅蘿蔔豬橫脷湯

韓國士多啤梨 - 好甜呀 

( 20-DEC-2013  FRI )

又 Happy Rriday 喇   其實一到 12 月已經好開心   同埋周圍都見到聖誕裝飾   所以仲更加開心添呀 ~

里奧大人今朝要番公司拎部電腦    之後再上大陸   所以係比平時遲咗上大陸嘅   咁所以佢拖住我都行路好快   所以都忍唔住話佢   好在佢講即 Sorry   哈哈   我唔鍾意番工趕頭趕命家嘛 ~ 

早餐食奶油多   我一定係多奶油添   唔係唔好食㗎 ~

菇場無啦啦好忙   忙到 11 點   咁 8 卦又約我食 Lunch   所以又出去食喇   食完再行萬寧就番菇場 lu ~

我嘅冬蔭功鯪魚肉米線 - 太多奶喇   食完有啲反胃

8 卦嘅咖哩牛肉   我試咗一啖都幾辣

依家每逢番媽咪屋企食飯   我都換個背囊   搭 Lift 嘅時候   我同事話我好似去旅行咁   我話因為去媽咪屋企食飯會有好多嘢拎   咁揹背囊就最方便   因為唔想左手一個袋   右手兩個袋咁麻煩 ~

今晚終於喺媽咪屋企食飯   好似好耐無喺媽咪屋企食飯咁呀   哈哈 ~ 

呢幾日好多人都同屋企人做冬   咁街市買嘢實貴   所以媽咪話買乳豬再加多個小菜仲化算   咁我坐到 6 點幾先去買嘢   買到都差唔多 7 點   家姐無耐都番埋嚟   可以即刻開飯喇 ~

食食食   再食薯片同生果   無可能唔飽 ~

唔辣嘅

本來約咗媽咪星期日去和民食飯當做冬   不過媽咪話唔想去呀   因為天氣仲係好凍嘛   咁其實之前里奧大人問我幾時同媽咪做冬嘅時候   我都話驚天氣太凍   唔想媽咪出嚟   不過同媽咪講話食飯   佢又話無問題   咁家姐尋晚講話佢驚我鬧佢又唔去食飯   咁我都知天氣凍   一出一入又無工人   我仲擔心添   但唔食就講唔食囉   等我 Book 完又話唔食   所以我好唔鍾意媽咪呢樣嘢   因為唔係一次係咁樣 ~

今晚又拎湯啦   雞翼啦   生果同啫喱啦   勁重呀 ~   

拎哂出嚟同家姐慢慢分

差唔多番到屋企   家姐就打嚟   收完線又有電話響   原來又係里奧大人   係咪咁邪呀   呢個星期有 2 次係咁   我無聊睇番啲電話記錄   2 次都係家姐 48分打嚟   里奧大人就 49 分打嚟 ~

番到屋企又即煲中藥同洗衫   之後沖涼   里奧大人 10 點先番到屋企   見多佢個幾鐘   我都瞓喇   聽日要番工嘛 ~