行完超市就行埋個商場 行到 3 點半就番酒店喇 實在無咩好行 ~
無咩車同人 好舒服呀
去呢間睇下有無越南咖啡 不過係無嘅 咁里奧大人話我玩嘢啦 Beer Club 點會有咖啡
買完包薯片就去呢個商場行下
見到咁多 0 字都唔會買啦 但其實想試玩
呢架單車嘅車碌好闊身 我第一次見咋
如果買支越南國旗又好似好無聊咁 所以影咗當買咗算喇 哈哈
呢個都幾靚
迷彩電筒好靚呀 可惜我唔用啦
其實勁想買細細支嘅迷彩電筒 但買嚟真係無乜用 都係唔好嘥錢喇
假嘢
個 BB 樣好搞笑
最頂層有嘢食嘛 我哋就上去啦 對門又實喎 右邊隻門都差啲比我拆爛呀 佢真係差啲跌落嚟咁滯㗎 係我夾硬托番上啲咋 勁驚有人發現 之後入到去都無人食嘢嘅 得啲職員喺度整嘢食 好似好忙咁囉
落番去地下啦 咁樣影到好多嘢食咁噃 但都唔係囉
佢個咀嘅紅色 係咪條脷呢 ?!
藍天白雲 真係望極影極都唔厭
番酒店喇
原來間酒店得 7 層
次次去旅行都係奧大哥 Keep 房卡
無嘢做就睇下電視 我只係睇踢波咋 睇咗 2 場都係有美斯 我睇波唔聽波嘛 所以佢講越南話都無問題 但睇其他台 有 9 成 9 係配越南話 一係講英文嘅台又收得唔清 想點喎 ~
里奧大人就睇公司 Email 我就睇睇下電視瞓咗 差唔多 5 點先醒 ~
Buffalo 雞翼味道
味道都 OK 同埋份量都幾多 食極都仲有咁
里奧大人忍唔住買咗啦 話好抵好抵 自己鍾意就好抵
成家人個樣好搞笑 哈哈
隔離枱好快食完就番酒店先 我哋食下傾下 6 點半先行番酒店呢 ~
團友太太呢間酒店有無得按摩 賓尼兔話無 就算有都唔好去呀 佢哋無學過正統按摩 係拻下拻下就當按摩㗎咋 話上次有團友出去按摩 就係比人拻到瘀哂 哈哈 ~
又係好多蜻蜓
天未黑就去呢度食晚飯
4 星級
行上一層先係餐廳
環境唔錯 不過咁啱佢哋員工有 Gathering 所以播音樂好大聲 好嘈囉
又啤一啤
Steamed Shrimp 啲蝦好鮮甜彈牙呀
Steamed Cuttle Fish with Ginger 魷魚又係好彈牙 好味道呀
Sauteed Clams with Basil 無乜特別
Fried Fish with Sweet & Sour Sauce 我哋幾個食唔出係魚 因為啲口感唔似食魚嘛 猛喺度諗係咩來 之後我話駛咩諗喎 Menu 有寫家嘛 哈哈
Cooked Pork in Claypot 豬肉好味喎
Sauteed Green Cabbage with Garlic 天氣熱 我都係鍾意食啲乾身嘅菜
Sauteed Cabbage 咁呢個菜都好食呢 因為啲菜好甜呀
妳有妳影 佢有佢食 好開心呀
Variety Vegetable in Firepot 正呀 又飲咗幾碗
Fried Sentinel Crab with tamarind Sauce 無食呀 因為唔想洗手
今晚有自費節目就係食大頭蝦 (HK$250/人) 真係好似未停過口咁 哈哈 我上到酒店 睇睇下電視都瞓咗呀 之後里奧大人又話要瞓 所以教定鬧鐘 8 點半起身呢 ~
約咗 9 點喺大堂等 我哋 8 點 52 分落到大堂已經齊哂人 因為總共得 7 個人去咋 哈哈 ~
坐車嘅時候落緊雨
有檔口仲未收喎
我哋同 Auntie 坐一枱 另一枱係 2 對母女 估唔到 Auntie 都好好傾 佢去過好多地方 仲去過北韓添呀 佢話 4 年前去過 咁即問佢可唔可以周圍影相啦 佢話一啲啲地方先可以影咋 真係咁神秘 ?!
我問佢點解佢 3 個朋友唔嚟食 ?! 仲諗住得妳一個都唔嚟食添 佢話就係因為佢哋唔嚟 所以點都嚟囉 因為導遊都係靠呢啲小費搵食 同埋佢同我哋一樣 對海鮮係無咩興趣 而我嚟就係因為知道頭頓係無咩嘢做 所以就自費食海鮮囉 錢就知一定係比佢哋賺硬㗎喇 但我自己都有得食喎 最緊要大家開心呢 ~
佢哋一早咁擺㗎 但我又唔覺得好大隻啫 唔通大頭蝦嚟講算大隻 ?! 我喺泰國見到啲蝦好似我前手臂咁長 同埋睇落真係啖啖肉咁呢
7 隻大頭蝦
廚房喺入面
每人送罐嘢飲 我飲沙士 里奧大人飲啤酒 但我罐沙士唔凍嘅 好難飲 哈哈
呢個蜆都幾鮮甜
炒菜都 OK 啦 但其實好飽 我唔知原來有其他嘢食添 以為只食大頭蝦咋 仲諗緊一隻大頭蝦要百幾蚊 應該都好大隻好飽肚下添呀 今次到我無留心賓尼兔講嘢 失策
主角出場
有專人拻蝦殼 燒完即拻殼 其實好熱㗎 見佢一路拻一路 "時時" 聲
實尼兔好搞笑 成日叫我哋唔好反轉隻蝦 唔係啲膏就漏哂出嚟
一啖食得哂
里奧大人唔食膏蟹 所以我即係食咗 1 隻膏蟹 好味喎 我鍾意食膏蟹嘅口感
法包完全無掂過 所以叫佢哋收走去啦 唔好嘥嘢嘛
仲有蠔仔粥 完全唔掂 成個粥根本係無味
上車番酒店嘅時候又落雨
食飽就上車喇 賓尼兔又講開喺香港食燒鵝 話細細一碟已經要港幣二百幾好貴 一人一嚿都無鬼咗 之後 Auntie 就同賓尼兔講 下次嚟香港 Auntie 請你食 之後賓尼兔問貴唔貴㗎 ?! Auntie 話我請妳 你唔駛理貴唔貴 Auntie 真係好豪氣 哈哈 同埋睇得出 Auntie 對人都幾好呢 唔係計計較較嗰啲 ~
番到酒店都 10 點 沖埋涼抖多陣 11 點就瞓喇 今晚一定好好瞓 ~
好寧靜嘅大堂
天花板真係好靚
原來夜晚係會開呢盞燈嘅
7 點半起身 發達喇
剩番呢啲錢咋 希望夠用啦 我都希望用哂佢 因為南越真係未必短時間再去呢
呢日行程完畢 ^^
