Babymama: 酸梅麵豉蒸排骨 + 蒜蓉菜心 + 芫茜皮蛋魚片湯 ( 15-JUN-2015 )

2015年6月15日星期一

酸梅麵豉蒸排骨 + 蒜蓉菜心 + 芫茜皮蛋魚片湯 ( 15-JUN-2015 )

( 15-JUN-2015 MON )

今朝起身都 OK 最搞笑里奧大人以為我仲懶床咁我一出房佢話正想叫我起身但其實我係諗緊着咩衫番工基本上鬧鐘一響都已經要醒啦要番工嘛唔係教鬧鐘嚟做咩呀哈哈 ~

早餐食芝腿治差唔多食完 8 卦又嚟埋咁等埋佢啦 ~

今日菇場都 Free Free 哋因為老闆 11 點會走西瓜又唔喺度嘈嘈閉所以做埋 Report 就可以 Hea 過 lu ~

Lunch 出去食咁 8 卦又出去買飯我話一齊食囉不過我食完會去買嘢叫佢自己番菇場其實佢食完都係瞓所以佢次次一出去食完飯一到 3 點就話眼瞓好鬼煩哈哈 ~

如果有日同 8 卦去食 Lunch 佢唔食飯我會好驚因為佢話食飯先夠飽

放工即走喇去街市買餸就即番屋企因為里奧大人已經番咗屋企呢 ~

咁里奧大人頭先 3 點去官塘見客佢話應該會 1 個鐘搞掂點知傾咗 2 個鐘不過咁都好啦 5 點半可以番到屋企咁可以早啲休息嘛 ~

就係里奧大人喺屋企所以我都要開行摩打手浸洗切喇 6 點 10 分番到屋企 7 點 15 分可以食飯算勁快㗎喇 ~

是日懶餐 - 酸梅麵豉蒸排骨 + 蒜蓉菜心 + 芫茜皮蛋魚片湯

酸梅麵豉蒸排骨 - 大熱天時食啲酸酸咪咪嘢先開胃但其實我唔鍾意食排骨哈哈但想帶 Lunch Box 咁先整肉囉 ~

蒜蓉菜心 - 買咗 1 斤菜心係時間要食番啲菜 lu ~

芫茜皮蛋魚片湯 - 間唔中滾下呢個下火湯都唔錯今次好好飲好難得呢哈哈 ~

搞掂哂都 8 點幾抖到 8 點 50 分就一齊去徑步徑到 9 點半就番屋企喇 ~

里奧大人啲同事一去旅行就會有手信佢叫我食下邊隻好食聽日再問同事拎我一路食一路話依樣依樣依樣都好食佢以為我講笑之後佢見我食哂個樣好驚咁哈哈一包得嗰果細細塊食幾十包都得呀我