Babymama: 熱晴 ♡ 胡志明市。越南 (頭頓 & 美拖椰子島) 5 天美食團 DAY 3 ( PART 3/3 ) ( 29-JUN-2015 )

( 29-JUN-2015 MON ) - PART 3/3

差唔多 2 點上車坐 10 分鐘就到熱石按摩店自費架 HK$150/人賓尼兔教定我哋講大力細力大力係 "敏大" 細力係 "爺爺大" ~

按咗 1 小時 45 分鐘差唔多 4 點走人今次唔多享受啦 ~

都有商業樓宇喎

又興建緊商業大廈 ?!

越南真係好多 Coffee Shop

我愛藍天

經過堤岸

實尼兔話雖然咁樣行過對面馬路係好危險但好多人寧願危險都唔會行天橋因為去嘅地方真係一頭一尾越南又熱真係好難鼓起勇氣行天橋呢哈哈

矮矮嘅交通燈

到按摩店喇

都好懷舊下男女係分開按嘅

行樓梯上房呢

呢度就係女賓部嘅按摩房咁我地做做下按摩聽到好大鼻鼾聲仲要係一路拔罐一路扯鼻鼾喎我以為係團友呀仲諗緊會唔會有得做拔罐添點知原來唔係團友嚟嘅

好在我着短褲咁就唔駛換褲啦敷咗青瓜 mask 再按摩之後就熱石按摩喇咁要熱背脊嘛即係要除衫啦但無遮無掩真係好唔慣咁個按摩員又唔小心趺咗塊石落我隻腳度辣到我起飛腳呀大佬 "爬" 喺度又望唔到佢勁驚整親佢呀老實講整個按摩過程我就覺得唔太舒服喇里奧大人仲慘佢話佢嗰邊好嘈呀個客成日同按摩員傾偈咁按摩員嘅電話響又成日響又傾下電話所以更加嘈我接受唔到咁嘅環境之下按摩囉咁嘈點 Relax 呀 ?! 不過點都好啦我哋都比咗小費里奧大人比 VND20,000 我比 VND50,000 因為無散紙呀

好得意喎層層樓梯都整啲窗花之類嘅嘢唔知有咩用途呢 ?!

又見到好特別嘅建築物喇好開心呀因為坐車時間好多無嘢睇好悶嘛哈哈

原來番酒店好近只係 10 分鐘左右車程所以番到去都只係 4 點半咁都好可以抖下 ~

又嚟

真係好開揚呢

呢張櫈好跣架因為個墊都唔係黐住嘅上次我一坐呀差啲跣落地呀嚇死

嘆住冷氣出面幾咁熱都唔駛怕哈哈

酒店每日會提供 2 支水免費的

拖下手先啦阿寶肥到頂帽都唔啱戴哈哈

用相機影仲唔夠 ?!

用埋手機係咁影呀影影呀影

抖夠就去隔離嘅安東廣場行下不過都無嘢行嘅都係買衫買鞋啲款又唔吸引所以都無興趣睇 ~

呢個入口令到我覺得好似好多嘢睇咁

殺入去喇

金鋪唔啱我啦諗起賓尼兔話如果有人結婚人唔到但禮必要到公價人情係 VND300,000 朋友就 VND1,000,000 親戚就會送 5 錢金約 HK$800 左右 賓尼兔話如果妳比得少人情佢哋唔會話妳不過當你嫁女嘅時候佢哋會做番同妳當日比嘅人情價錢呢因為佢哋係會寫低㗎同埋佢哋食嘅好似 6 定 8 樣菜式唔似香港咁多同埋真係每人一件食慢啲都無所以佢哋次次飲完都要番屋企再食嘢呢佢哋又早食嘛 8 點都好似食哂㗎喇而我哋香港多數 9 點先開席起碼 11 點先食完

上 2 樓

佢哋有啲好忙係咁執貨有啲就悶到玩手機

走喇

賓尼兔成日都叫我哋出街最好帶兩梳蕉就夠所以我同里奧大人出去行街就咁用手機影相咋影完即收好刺激 ~

無嘢行無嘢買就口痕痕囉其實 7 點就要集合出去食飯雖然都已經 5 點但我都想食嘢同
埋飲越南咖啡呢 ~

阿奧就即刻幫我周圍睇下有咩食佢話呢間好似唔錯乾乾淨淨咁咁就入去食呢

我鍾意餐廳有啲小擺設

裝潢唔錯同埋真係好乾淨

呢兩杯凍茶好飲但唔記得係咩味道 lu

HUE Noodles (Small) VND45,000 - OK 啦但豬紅唔熱嘅

Vietnamese Iced Coffee with Condensed Milk (VND13,500) - 越南凍咖啡真係得咁細杯同埋係好多冰但味道又好夠㗎喎所以真係好好飲又等妳吊下癮哈哈

Beating Pancake with Mam Nem sauce (VND54,000) - 我話想食小食阿奧話呢個幾好味咁咁叫啦但無諗過份量咁巨囉雖然 Pancake 脆卜卜係好食但阿奧話驚熱氣唔食咁我食哂啦但就唔食啲河粉唔係我會飽死

個 Sauce 酸酸甜甜其實都唔錯不過我覺得如果係辣嘅就更好無咁滯

Total VND123,750 即係 HK$50 超抵啦食到咁鬼飽哈哈

食到 5 點半就即去 Circle K 買定啤酒 6 點出發去麗斯夜總會食飯我覺得啲團友好勁記得去邊度食我唔記㗎只係知道呢個團係去耶穌山我直頭唔知呢個係美食團添啲團友話我有無搞錯咁都唔知哈哈 ~

大中細超細 Size 益力多好得意呀

Special K 乳酪好正咁喎如果香港有就好啦

入 Lift 就分開哈哈

一出 Lift 就自動黐番埋一齊如果係呢度住 10 日我會每日買唔同啤酒企定定喺度影哈哈

喺 Diamond Plaza 行咗陣先食飯 7 點半去到麗斯夜總會喇其實我都無胃口食頭先食咗成碟炸嘢搞到我好滯好漏好想嘔同埋餐廳又唔係咁夠冷氣喎所以更加唔舒服好在睇下表演分散下注意力無咁辛苦食完都差唔多 9 點喇 ~

比錢嘅時候 Cashier 比咗粒薄荷糖我即食啦好味喎所以問 Cashier 有無得買之後佢帶我哋去睇啦一包 VND17,000

里奧大人知我鍾意食話買多包綠色

估唔到會塞車

到麗斯夜總會喇

如果我有帶相機我一定會影月亮呀但其實話時話我都係坐車去食飯啫做咩唔帶相機都有㗎

有 Menu 好有去飲 Feel 呀哈哈

我好鍾意嘅燈

今晚又係坐長枱

我坐最前可以近距離睇表演

Sweet Corn Soup with Crabmeat - 都幾好味最緊要夠熱

Fried Spring Rolls - 我無食呀呢一刻唔想再食炸嘢哈哈

一路食一路睇跳舞

佢哋唔駛睇譜勁呀

表演緊獨玄琴

睇睇下表演原來已經嚟咗咁多嘢食

Sauteed Pok Choy in Oyster Sauce - 食咗少少

Fried Rice with Seafood - 食咗兩啖因為啲飯一粒粒好乾身好味道呀

換咗唔同嘅民族服裝

Braised Pork with Duck Egg - 見到都好漏哈哈所以無食

Steamed Seabass in Dark Soya Sauce - 都係無食因為我真係好滯如果呢餐係 10 點食就好喇

Seafood Hot Pot - 呢個我反而有食因為我想飲熱湯同埋我鍾意飲蔬菜湯不過自己唔識煲 仲要係有菜有蝦丸有魚有魷魚好味道呀

玻璃窗好有特色

又嚟跳喇

阿叔彈完之後我同里奧大人講話個結他仔好得意點知阿叔話唔係結他嚟㗎係唔知乜乜嗰下我就驚啦原來佢識廣東話好在無話悶咋唔係真係樣衰到爆

呢個樂器好特別拍手就會發出聲音

呢個樂器又係好特別可以發出唔同聲響

佢彈得好輕鬆哈哈

食埋生果就走人喇

諗住同阿叔影張相留念點知佢叫埋啲拍檔一齊影之後其他團友都有一齊影佢哋變咗佈景版哈哈

餐廳門口影㗎

我同里奧大人講我要食埋牛肉河先番酒店團友同佢都話我黐線呀里奧大人仲話今日食咗 6 餐呀但其實頭先我都無乜點食嘢同埋我要食到驚為止咁就唔會掛住佢啦但團友太太話去旅行要帶住啲遺憾咁下次會有再去嘅衝動喎 ~

其實 24 Pho 講咗話最好 9 點就到 9 點半隨時已經會關咗舖咁我地番到酒店都已經 9 點 20 分我預咗無得食但估唔到又比我食到呵呵好感恩啊 ~