行程 - 堤岸 (唐人街 - 天后古廟) --> 漆器廠 --> 戰爭博物館 --> 全蟹宴 (粟米蟹肉羹 / 蟹肉春卷 / 辣椒醬炒蟹 / 椒鹽蟹肉糯米飯) --> Fanny 法式雪糕屋 (包雪糕一杯) --> 熱石按摩 (自費) --> 麗斯夜總會 (越式古樂獨玄琴+ 傳統歌舞表演 ) --> Windsor Plaza Hotel
尋晚瞓得唔錯 所以今朝 6 點 45 分起身都幾精神 感恩感恩 ~
食完差唔多 8 點就番上房沖涼 抖陣又出發喇 ~
藍天白雲 好開心呀
好在另一邊都係 哈哈
落到餐廳只係 7 點咋 所以無咩人
白色一碗碗好似係乳酪 不過擺成咁 真係唔敢食啦
我鍾意食番石榴 不過陣味唔係人人頂到 哈哈
好健康嘅蔬菜 不過我朝早好少食呢啲
淥麵淥菜呢啲熱辣辣就啱哂我
Noodles Station 幾有氣勢 哈哈
有專人淥麵 我都鍾意喺越南食粉麵 細細碗 可以食多幾碗 哈哈
我都好少食凍肉 但睇個樣幾好味咁
原來有烚蛋嘅 去旅行多數食烚蛋 因為夠飽肚
一列都係炒粉麵飯同菜 所以唔影 lu 又未食嘢 逐碟揭起好攰啦
又有呢啲晚市小菜 哈哈
Sticky Rice & Condiment 太大件啦 唔係都想食 因為我鍾意食糯米飯呢
Steamed Roll Rice Cake
Glutinous Ball with Chili Fish Sauce 遠睇以為係魚蛋 嘻嘻
Steamed Rice Cake in Coconut Milk 無食呀 我覺得無咩味 哈哈
我哋坐呢度 阿奧真係好愛紅毛仔喎 影到入哂神
齋啡真係好飲 唔澀㗎 不過其實我都係飲 3-4 啖就夠㗎喇
今次唔要雞絲 要魚蛋魚片 比里奧大人試一啖 佢話好味就比佢食啦 咁我再出去拎 所以我次次食早餐都要行好多轉呢
沙爹醬 就咁睇無咩料到 但其實好香好辣 勁正呀
煙肉好味呀 脆卜卜 但好鹹
里奧大人食嘅早餐
佢話朱古力酥好味 我又試啦 又真係幾好味喎
我鍾意呢啲橫身手抽袋
輕輕鬆鬆出發喇
8 點半出發去提岸嘅天后古廟 唔駛 10 分鐘就到啦 賓尼兔叫我哋唔好喺鐵門外影相 唔係好易比人槍嘢 咁又係 影相好專注家嘛 如果比人搶咗嘢 真係慢九拍先識得追呢 ~
立眼以為帽同件衫係一 Set 添
有膠袋蓋住食物都 OK 嘅 但其實佢係買外賣定送外賣呢 ?! 佢好似着住睡衣拖鞋咁喎
啲車左穿右插
話時話 好少喺街道見到巴士
吉祥大酒樓 個名好中國 Feel 越南都好鍾意跟香港改名㗎 好似有尖沙咀 仲有一個地方 但我唔記得呢
客棧
開始多車喇
又嚟送外賣 但無嘢蓋住嘢食 好多塵啫
身貼身其實好熱 同埋一定唔可以肥 唔係坐唔落 3 個人囉
鉸剪街 因為成條街都賣鉸剪
大公仔迫喺玻璃櫃入面 好搞笑 會唔會變哂型㗎
賣涼茶 ?!
開哂舖 lu 但條街都無乜人行囉
其實都有好多特色 Building 不過坐喺車度 好難影到囉 呢兩間屋頂有唔同 Logo 唔知代表咩呢 ?!
做西裝嘅舖頭 條喇叭褲好經典
賣裙褂
做 GYM 嘅地方 真係估佢唔到呢
到天后古廟喇 不過我哋由後門行入去
好多三輪車泊哂喺度 話說之前旅行社係包坐 講明叫團友唔駛比小費 因為旅行社比咗 不過好多三輪車司機都叫團友比小費 如果唔比 佢哋就唔放低妳 因為車身都好高家嘛 即係唔放低根本落唔到嚟囉 就係因為咁 旅行社唔再安排坐三輪車觀光 lu 所以賓尼兔成日話啲人做生意手法係 "石頭 Dum 腳" 做完一次之後就唔會有第 2 次呢
經過客廳先
穿嚟穿去 真係好易走錯 因為我係路盲
天后古廟 (婆廟) 有 254 年歷史 維修過 4 次
寶爐
兩幅牆又會咁得意嘅 一高一低咁
第 2 個字係 "是" 因為賓尼兔叫我哋估下咩字來 唔係真係無留意 哈哈 同埋個 "民" 字其實都係寫錯咗呢
唔知呢塊地磚有無 254 年呢
以前嘅建築物 好多都有通風效果
原來呢張啲動物係唔同嘅
有支大香喺中間 係咪頭注香呢 ?!
火槍
滅火筒
地磚超靚
零零舍舍有一塊唔同 係有意思定係因為後期爛咗 做唔番同款呢 ?!
又行喇 係咁出出入入 勁驚唔識出番正門呀
呢張公認書都算正常嘢 賓尼兔話佢地會拎當日嘅報紙出嚟 掛喺度比人睇 好九五搭八囉 好搞笑 因為同間廟係無關係嘛
金榜題名 VND20,000 一星期
屋頂
里奧大人話有團友掛咗嘢上去 祈求平安呀 讀書考試成績好呢啲
掛完 lu
我覺得好似蚊香
撞哂色 哈哈
又周圍影下
好多唔同款嘅地磚
唔記得係咩來
咁樣影完 我有啲頭暈
好多疊字 不過唔識點解
里奧大人好多時都唔記得校番光圈 不過我覺得呢張效果又幾特別喎 哈哈
好多度都有金榜題名呢
靚
係咪有兩隻貓仔呢 ?!
又番來客廳喇
唔知點解 我覺得呢度好似等緊睇中醫咁呀
我鍾意呢啲櫈嘅設計 但就唔鍾意坐呢啲櫈
咁樣掛住個牌 好危險喎
蒙面女超人
其實架三輪車係點控制嘅呢 ?!
捧住箱嘢 好難開車啫
我哋行番去對面坐旅遊車嘛 咁短距離都等咗 2 分鐘先過到去呀
中間棟 Building 好特別喎
每間舖都會有個 Security 看住電單車 唔係看住間舖
勁鍾意呢啲街 不過無機會行啦
Baby-G 都有 都唔係好落後啦
KAMEN 樓上棟 Building 個天花好特別
咁啱賓尼兔話如果啲人死咗 一日就搞掂哂所有嘢 個火葬場係法國起嘅 炭燒㗎喎 所以好先進好快燒哂 好似話一按制就即燒 唔駛排隊 之後就搞笑喇 同團有個 Party 其中兩個 Auntie 呢 為咗按制之後幾時燒而鬧哂交咁滯 有個 Auntie 直頭話之前去過好多次 點會唔知 之後我哋全場喺度笑 之後講完無耐就見到靈車經過喇
佢哋仲有前倉/後倉一條龍服務 孝子都可以揀㗎 仲有喊同狂喊比你揀添 真係好搞嘢喎 呢啲都可以搵人扮
同埋一定係有佛像帶路
呢條街好多五金舖
好小見到 Boutique
又見到空心磚喇
我初初以為係所有都用空心磚添
諗起尋日賣帽嘅女人 將啲帽戴哂喺頭度 咁就唔駛拎住 但咁多帽 無可能咁做啦 哈哈
仲以為 TST
估唔到有 Coffee Kitty
呢檔就買頭盔 其實有戴同無戴係無分別 因為睇個樣係好唔安全呢
沿途
我哋坐嘅旅遊巴
唔知阿奧想影啲咩 但我記得佢話好得意 哈哈
去到漆器廠就聽講解員 講解整個製作過程 但講解員細聲到呢 真係行到好近都聽唔清楚佢講咩架喎 唔通佢覺得所有參觀嘅人都係搞搞震無幫襯 ?! 都懶得用心同妳講解 ?! 團友話佢啲聲線好似同人講緊秘密咁 哈哈 ~
工藝品靚就靚 不過我想買隻手鐲要港幣百幾蚊 我覺得貴喎 我肉眼見到最平係 VND110,000 最貴係 VND48,000,000 咁鬼多個零 真係伸哂啲手指出嚟數呀 哈哈 ~
去漆器廠喇
又話無肥人嘅
打劫 拎哂啲碟出嚟 哈哈
佢啲動作好肉緊咁噃
呢啲手工藝 我真係無本事做囉 手又震又無耐性 哈哈
我仍都做唔到呢啲崗位 因為太仔細喇 我已經老眼昏花呢
應該差唔多完成
好似整緊件花生醬多士咁 哈哈
佢洗刷緊呢
如果我識畫畫就好喇
一件成品要補磨 20 層 要 3 個月時間 咁價錢應該唔平咯
VND1,320,000 即係 HK$528 我覺得貴呀
呢啲圖案先有越南特色嘛
工藝品吸引之處 就係表面好滑
第一次見黑色嘅雙喜 要 VND1,100,000 呢 都要 HK$440
真係無咩特別啫
又係要 VND1,100,000
托盤要 VND1,320,000
 |
 |
呢啲係 VND220,000 一個
再行入去睇
呢啲好似靚啲咁噃 所以要房中房睇 哈哈
杯墊 VND550,000
呢隻手鐲都要 HK$1xx 我覺得貴
影完即走 我哋揹背囊就最驚啦 一陣一嘢掃哂落地就大鑊
VND240,000 一個盒仔 諗唔到可以裝啲乜 如果唔係都會買番個呢
呢個得意呀 但要 VND990,000 呀 太貴喇 唔買 lu
日日望住佢 之後好似佢咁瘦就好喇 哈哈 但其實佢唔畫隻手掌仲好啦 畫到咁擺法有啲怪囉
走人喇
運完桔都 9 點 45 分喇 又要上車喇 ~
好多時賓尼兔講完啲特別嘢 我哋就見到 佢之前話團友見到人捧住玻璃坐電單車 今日就見到喇 不過呢塊當然係細塊好多啦 但其實呢塊鏡都好危險囉
唔似醫院嘅醫院
影下影下 最開心嘅事情終於發生喇 就係試食 哈哈 ~
試食夫妻糕一件 我同里奧大人分開坐嘛 我就一定食咗先 好味就買嘛 咁落車之後 里奧大人就比埋佢件夫妻糕我食 佢話睇個樣煙煙韌韌咁 話我實鍾意食㗎喎 講真 嗰下我好開心㗎 因為佢會記得我嘛 哈哈
無錯 真係煙煙韌韌好好味呀 有啲椰絲同好似有啲馬蹄嘅嘢 但一買要買四盒 即係 40 件 (HK$120) 我覺得太多喇 分埋比媽咪家姐 我都要一個人食兩盒 真係怕囉 同埋驚放咗喺雪櫃之後 口感又無咁煙韌 所以唔買 lu
架電單車好似想撞埋嚟咁 真係唔知道佢喺邊個方向嚟
呢日未完㗎 ^^
沒有留言:
發佈留言