大快活 @ 九龍灣 ( 8-JUN-2015 )

( 8-JUN-2015  MON )

有啲眼瞓添   好在今日好好天   如果陰陰天就更加眼瞓   哈哈 ~

今朝真係無咩胃口   但我堅持會食早餐囉   一日之中最緊要係早餐呢 ~

做埋 Report 就 Hea 過喇   四大天王又唔喺度   完全忘我境界咁上網   呵呵 ~

咁好天氣   當然要出去啦   咁食粥啦   好似好耐無食   好想食呀 ~

我部電話嘅打電話 Icon 無啦啦唔見咗   勁驚呀   諗住如果有人用紅米 Note 就問人點整㗎喇   無人問到就去問手機店啦唯有   之後左諗右諗   終於諗起家姐工人都係用紅米 Note   即打比佢啦   之後佢話可能收埋咗喺啲 Window 入面   咁我試搵下啦   真係有喎   呵呵   其實我真係唔太鍾意用輕觸式電話   不過無計啦   時勢所趨   同埋依家用番細部電話都唔得呀   唔係因為慣用大 Mon   而係真係睇唔到啲字寫咩   哈哈   依家真係老眼昏花 lu ~

行埋一田就番菇場   因為條街超級勁熱呀 ~

3 點開始中眼瞓   唔知係咪頭先出咗汗呢   同埋菇場又凍凍哋   真係勁想拎張毯出嚟蓋住瞓呀   哈哈 ~

之後里奧大人打嚟話唔舒服   所以佢都番屋企休息喇 ~

我仲諗住今晚煮飯   不過佢話唔好煮喇   想快啲食完瞓覺   咁好啦 ~

放工去惠康買 2 盒 Special K   做特價每盒 $39.9   都抵啦   其實之前食開   最貴都只係 $36.9   但一加就加到 $49.9   我以為自己睇錯添呀   依家真係乜都加價   係加到離哂譜嗰隻喎 ~

番到屋企   里奧大人啱啱起身   坐多陣就出去食嘢喇 ~

里奧大人話個人仲係好攰咁   作感冒咁囉   佢話尋晚其實係好攰   不過見我勁想買自拍神棍   所以陪我買囉   心痛死我啦   我話下次攰就一定要講   搞到唔舒服就唔好啦 ~

食完嘢就番屋企喇   我抖到 7 點半就出去徑步   里奧大人就做公司嘢 ~

今晚徑咗 20 分鐘算喇   好鬼焗咁   同埋其實我好鬼攰 ~

沖埋涼   食埋生果   睇陣雜誌   同里奧大人 10 點就一齊瞓喇   真係勁攰啦   哈哈 ~