話就話 3 點半上車 但其實個個見到架旅遊車都即刻上車嘆冷氣喇 哈哈 所以 3 點 20 分就可以開車去聖母大教堂同郵政大樓喇 ~
4 點半去到聖母大教堂 不過好多人望彌撒 咁唔好阻住人哋啦 所以即轉去郵政大樓 lu ~
聖母大教堂
真係好想入去睇下呢
人哋咁專注望彌撒 真係唔敢走入去影相 驚影響到人哋呀
郵政大樓 我覺得好靚呀
@ 4:40pm
入去參觀喇
胡志明
地磚好靚呀
咁托住 好辛苦啫
實在太熱喇 所以去 DUNKIN' Donuts 坐下呢 ~
當時好想食 但知道買完就會唔想食 哈哈 所以影相算吧啦
我一定飲凍咖啡
Iced Latte (Regular) VND59,000 好在嚟咗咋 咁啱賓尼兔派法包 呵呵 坐喺度食舒服好多啦
賓尼兔極力推介嘅法包 係佢幫我哋買嘅 一條 VND100,000 兩個人 Share 食就夠喇 仲好細心切開一半添 法包外脆內軟 真係超級勁好味 初初佢講到個法包係天上有地下無咁㗎 又話個個排半個鐘都要買嚟食 仲以為佢老作添 好在乜都試咋 唔係又錯失咗個機會食好嘢呢 哈哈
唔係里奧大人講 我完全無留意到個婆婆原來係瘦到咁呢
無咁熱喇
好似好好味咁
好多檔都買呢個小食 起碼有 4-5 檔呢 佢哋打扮又會咁似上面嗰檔啲人嘅 阿媽着藍色衫 個女就着 Tee + 短褲 我仲以為同一檔添
賣生果嘅 仲有煙賣添
我好佩服佢哋 咁熱仲着長袖衫
我當日完全無留意有個聖母像
@ 5:15pm 喇 相隔咗 45 分鐘仍然咁多人囉 入唔到去真係好可惜
里奧大人想影咩呢 ?! 哈哈
我用 G1X 影㗎 已經 Zoom 到最盡㗎喇
一大束汽球飛上天呀 影得都幾清吖 之後里奧大人話我完全唔記得女朋友嘅存在 我認㗎
里奧大人話部單車好得意 見到個女人係咁轉個軚盤
有架迷你電單車泊喺度
5 點 15 分上車去 Diamond Plaza 其實轉個彎就係 但賓尼兔話我哋係 "豪華團" 所以唔駛我哋行 只係食同瞓 哈哈 因為佢覺得香港人成日一上車就瞓 鬼咩 越南咁鬼熱 出咗成身汗 唔攰先奇 呵呵 ~
我一心諗住嚟越南係買即食牛肉河粉 所以賓尼兔話商場入面有間超市 我驚唔夠錢買嘢 佢即借 VND500,000 比我哋呀 豪到呢 哈哈 ~
去到超市 真係 O 哂咀 細間到呢 不過咁 賓尼兔話越南人好少去超市買嘢 多數去士多買 流量快同埋平嘛 所以變相超市啲貨好多都可能過期呢 ~
見幾個團友都買咗啲河粉同粉絲 不過我無買啦 因為我唔識煮湯底 所以我只係買咗支 Chili Sauce 就走喇 ~
間超市一眼睇哂 哈哈
磨砂玻璃樽嘅感覺 好似好冰凍咁 哈哈
調味品求其擺嘅 又無價錢 真係無心機睇囉
其實 HK$4.4 真係超級抵
好多午餐肉罐頭
買完就周圍行下啦 里奧大人居然買咗對涼鞋 用咗 VND990,000 呀 即係用咗成副身家咁滯 所以最後都係簽卡 哈哈 ~
喺呢度買咗對涼鞋
VND500,000 真係好少見 真係要影低留念呢 不過其實最後都無同到啦 即刻比番賓尼兔呀
隻鴨乜事呀 笑死我
仲有時間 所以搵下有無地方飲越南咖啡 好感恩有 Food Court 買到杯凍越南咖啡 好好飲呀 但好細杯 哈哈 ~
又見到 Pepper Lunch
呢間有越啡
Vietnam Style Coffee with Milk (VND40,000) 如果唔要奶就只係 VND30,000
中間着火 真係正宗火爐 哈哈
一人一鍋真係好鬼正 搞到我好想打邊爐呢
一列電單車
Diamond Plaza 係買牌字嘢嘅 咁無乜興趣啦 好多又同香港差唔多價錢 仲更加唔會買添
5 點 15 分集合番酒店喇 今晚喺酒店食 咁都好 唔駛咁頻樸 ~
坐車唔係聽嘢就問嘢家嘛 我問賓尼兔喺越南最高刑罰係咩 ?! 其實好奇怪自己問埋呢啲嘢嚟做咩 哈哈 佢話係死刑 係比粒藥妳食嘅 等妳無咁痛苦 之後最最最搞笑係有個 Auntie 問有無得買 ?! 賓尼兔好大反應再提高聲調話禁藥邊有得買㗎 我問 Auntie 妳買嚟做咩呢 ?! 佢都笑到顛咗 之後話唔講邊有得笑 哈哈 ~
佢又問越南有無雞鴨 ?! 哈哈 賓尼兔話有紅燈區嘅 之後我唔記得講咩 lu ~
賓尼兔話佢有個客帶佢去剪髮 要 HK$6XX 對越南嚟講係好貴㗎 不過果度啲女仔係 18-25 歲左右 之後個個都問係咪唔正經㗎 ?! 哈哈 但佢話係因為坐幾個鐘 又洗咗 6 次頭 之後經過佢講嘅髮型屋 原來門面係好 Grand 嘅 同埋見到有人剃鬚定咩 咁唔怪得咁耐同咁貴啦 ~
佢話有啲係走鬼檔幫人剪頭髮 只係 HK$10 咁如果剪到一半走鬼就無得剪㗎喇 但有啲好心嘅就會第日幫妳剪埋嗰一半 我覺得好搞笑 ~
又話有個團友請佢食法國菜 由 5 點坐到 11 點 真係腰骨都痛 有道菜見住個廚師煮 45 分鐘 仲煮到成頭大汗 原來只係煮一粒細細隻嘅帶子 所以佢話下次唔會再去食法國菜㗎喇 哈哈 ~
勁呀呢
其實咁樣坐 最前果個好辛苦啫
又路經呢座教堂 真係好靚呀
開始入黑 lu
唱 K 嘅地方
附近有啲街邊檔
呢個男人坐成咁都好勁 我頭先見到有個直頭瞓喺架電單車度添呀 可惜我影唔切
到酒店喇 片雲好似對翼咁呀
係時候叉叉電 我部相機一日要叉一次電呀
準備開餐
一埋位就可以食 哈哈 團友們又想叫啤酒 不過要 VND80,000 一支 勁貴啦 雖然我知呢度係食環境 但我話我哋只係 Hea 飲唔係談心 平平哋去 OK 買算啦 哈哈
燒豬肉好味呀
上咗 3 樣嘢食 之後小石就比張 Morning Call 紙我哋 再同我哋講聽朝見 我哋以為食哂啲嘢㗎喇 有團友直頭企身走人 不過我覺得唔會咁少嘢食囉 所以即刻問賓尼兔仲有無嘢食㗎 ?! 佢話有 之後一齊坐低再等食啦 哈哈
蔗蝦好味 最緊要細細條
湯 & 飯真係食唔落喇
呢碟菜都唔熟咁嘅 好在團友都係咁講咋
見到都飽 所以無食呀
生果都食到 濕下個口都唔錯呢
咁望出去真係唔錯
所以即行去另一邊喇
我覺得個個地方嘅夜景都係好靚
食完嘢去 Circle K 買啤酒同薯片 拎番上酒店就抖陣 之後就落去食牛肉河喇 ~
嚟到越南 一定飲越啤啦
原來 333 BEER 係咁平 只係 VND12,500 咋
我就多數睇汽水 估唔到 Fanta 同 333 差唔多價
正呀 又平喎 不過唔敢買咁多啦 因為好少聽人講話越南薯片好味 哈哈
買咗呢支啤酒 但房間無開酒器 所以要上番去 Lounge 叫人開呢 哈哈
一去到 Pho 24 就見到團友 佢哋仲已經食哂添 其實佢哋仲勁過我啦 哈哈 傾咗陣佢哋就趕住去隔離買佛首 我就繼續食 呵呵 里奧大人問我佛首係咩 我點知喎 但一定唔係嘢食啦 不過我覺得里奧大人以為係嘢食囉 好似八仙果呢啲咁 估唔到佢都話真係以為係呢啲 哈哈 ~
生牛肉河好味喎 里奧大人食咗一啖咋 話飽 雖然我都飽 但都照食 因為嚟到越南無理由唔食生牛肉河呢 同埋份量真係好細碗 如果當晚飯真係唔夠飽 但當小食就好 OK 啦
VND29,000 咋 即係 HK$11.6 唔食對唔住自己啦
成條街啲舖頭都關哂 其實越南真係無乜夜生活囉 咁唯有番酒店休息啦 ~
沖埋涼 睇下電視 再食埋包薯片 實在食力驚人 但其實好鬼飽 但無理由留番半包 又無帶定夾同密實袋 唯有辛苦我啦 哈哈 不過罐 Soda 就真係飲唔落喇 ~
Soda (VND5,500) / Saigon Beer (VND19,000) / Poca 薯片 (VND6,500)
聽朝 7 點 Morning Call 但我哋又 12 點先瞓 希望聽日有精神 哈哈 ~
呢日行程完畢 ^^
沒有留言:
發佈留言