呢日里奧大人係着條長褲 但褲袋係好淺嘅 咁佢同我講 話頭先落完車 行行下嘅時候 無啦啦摸下個褲袋 發覺銀包唔喺到 嚇到佢呢 唔見咗証件好煩家嘛 咁我張身分證又喺埋佢度喎 好在佢跑番去旅遊車度 原來個銀包真係跌咗喺位度呢 不過我估佢當時應該超勁驚㗎喇 ~
我見車頭無人坐 咁我坐啦 可以同里奧大人影啲唔同嘅嘢嘛 同埋唔駛攬住個背囊舒服好多 不過隻腳要屈埋囉 但其實對我無影響 因為我對腳又唔係長 人哋屈埋對腳就等如我伸直
對腳咁之嘛 哈哈 ~
啲車真係好似亂咁行 過馬路真係要好小心呢
呢啲係橡膠樹 我算勁啦 一講即影 所以唔濛先奇 哈哈
賓尼兔又講嘢喇 問我哋點解越南無肥人 哈哈哈哈哈哈 唔係見我坐佢隔離就諗到呢個話題嘛 ~
仲有問覺唔覺條街無乜小朋友同老人家啦 無垃圾桶啦 無人食煙同無人戴眼鏡啦 之後就話因為老人家早起又早瞓 唔願出街因為唔捨得食同花費 睇旅遊節目就當自己去咗 我覺得老人家思想好極端 有啲就會覺得經歷過食樹皮 所以唔會太着重物質享受 3 餐溫飽就足夠 有啲就會覺得後生捱咗好多苦 老來當然要好好享受一番 ~
無小朋友喺街 因為越南嘅暑假係 6月至 9月 好多小朋友都會留喺屋企 咁講到無近視 我答因為無得睇電視 但其實係因為無高樓 又好多樹 成日望綠色嘢呀 呢點真係超級羨慕呢 同埋原來佢哋有 100 個電視台比妳睇 最搞笑係賓尼兔問我哋有幾多個電視台 我答 30 佢話唔係 佢再問 Auntie 幾多個 Auntie 好敷衍答佢 100 個 估唔到中喎 哈哈 ~
無垃圾桶係因為啲人會偷囉 不過越南又唔係周街都係垃圾㗎喎 佢哋會擺埋一邊 咁每晚 9 點會有人清理垃圾呢 ~
無人食煙係因為條街太大風 如果企喺妳後面啲人會食哂 2 手煙 所以無人食煙 超勁有公德心呀 至於話無肥人就因為佢哋多食菜 加上天氣熱 想肥都難 呢點我唔認同 因為我日日流汗都唔見瘦 哈哈 ~
講到人就自自然然講埋寵物啦 佢話啲狗仔無人領 就會拎去餵老虎 同埋如果隻狗仔比人捉咗 個主人去認領 隻狗仔唔彩個主人 咁就代表隻狗唔係妳㗎喇 即刻諗起家姐 因為佢帶完啲狗去睇醫生 如果要住院 衰仔只會應姑娘 家姐叫佢 佢擰埋臉㗎 姑娘見到都覺得好搞笑 哈哈 ~
鄧下鄧下 出面又落雨 好在咁啱賓尼兔話比我哋休息咋 咁我可以瞓下呢 呵呵 ~
5 點 45 分開始落雨喇
落雨揸電車單真係好危險 不過佢哋應該都習慣哂 lu
啲 Building 都幾靚喎
塞車了
3 個人坐一部電單車 勁呀
頭先賓尼兔先話啲人會放垃圾入一個位置 轉過頭就見到呢個情況
流動檔口 ?! 頂帽幾好喎 可以防曬又可以防水
好多唔同嘅像喺條街度 應該係比人買呢
終於見到矮櫈仔喇 賓尼兔話後生仔先鍾意咁坐
迴轉處有幾個像 唔知代表咩
白色衫個男人 唔知佢要等幾耐先過到馬路呢 ?!?
坐咗差唔多 2 個鐘頭車 6 點 20 分終於到酒店 Check-in 之後即上房喇 ~
June 27, 2015 @ 越南胡志明市
Welcome Drink 正呀 酸酸哋 同埋最緊要夠凍
望出去係咁嘅
我突然間覺得呢張相好似啲示範單位咁 因為天空嘅藍色好假 但真係原色嚟㗎
浴室用品 有 Shower Gel 提供都唔錯 不過我地依家多數自己帶去嘅 因為好多酒店都話以環保為由 唔提供 Shower Gel 同洗頭水呢
最鍾意有直身鏡 可以睇下啲衫拚得好唔好睇嘛 今次好在有咗帶外套咋 因為旅遊車冷氣好夠 所以好鬼凍呢
7 點 15 分落餐廳食嘢 好似可以食 4 個鐘呢 ~
住 18 樓
影埋奧腳都唔知添 但效果又唔錯喎 無咁孤單 哈哈
甜品區
頭暈蛋糕 哈哈 好似好甜咁
見到大樹菠蘿勁想食哂去 不過我無食啦 有奶類嘅嘢 第一日係唔會食 一陣肚屙就慘咯
呢個幾好味咁 不過我其實對甜品無咩話好大興趣
木薯糕 賓尼兔叫我哋要試呀
呢個千層糕又食要試喎 不過佢唔叫 我自己都一定食 我最愛食煙韌嘢嘛
熱葷區 其實仲有好多 不過我唔想影 因為好餓呀 想食嘢多啲
呢度係自己揀食物同湯底 之後比佢哋煮 等 10 分鐘就有得食喇
壽司區 見到得番幾粒黃蘿蔔壽司 所以影完即拎呀
生嘅 都係唔敢試 同埋餐廳本身冷氣又唔夠 仲更加唔敢食囉
好多炸嘢
望個餅底好脆咁 不過唔食啦 食一塊都好滯 我都係想食其他嘢多啲
好似係蝦
打邊爐區 見到秋刀魚丸 雙眼發光了
再見埋魚肉釀羊角豆 影完即拎 哈哈哈哈
賓尼兔千叮萬囑叫我哋唔好食生蠔呀 驚我哋食完肚屙 但睇完都唔敢食啦 點會同埋生嘅貝殼類一齊擺㗎
凍肉區 朝早夜晚都一定見到 哈哈
沙律區
麵包區 聽朝先食啦
咁熱 都係汽水加冰正啲
BBQ 火爐
粟一燒 里奧大人真係好鍾意影粟米喎 呵呵
燒完就擺喺度喇
腸仔 / 豆角
唔同嘅醬汁
一煲煲唔記得係乜
好似好好味咁 但我唔想等 所以無食 哈哈
好恐怖 無諗過里奧大人會影呢
又係好多醬汁 不過我無咩興趣 好奇怪囉 因為我不嬲我都係汁怪嚟家嘛
Curry Crab 我皮膚唔好 所以好少食蟹呢
其實好多想試 不過間餐廳都幾大 行下行下 都唔記得自己想食啲咩 lu
里奧大人話佢一知道影佢 就即刻笑哂 V 字 佢一定好 Enjoy 佢份工作呢
開餐喇 每兩個人一鍋 & 一碟蟹
啲蝦就麻麻哋 但條腸好好味呀 好 Juicy 諗住再拎啦 點知無哂 lu
里奧大人似乎好鍾意食咁喎 因為佢鍾意食先影 哈哈 但我叫佢下次貝殼類一碟 熟嘅食物一碟好啲囉
團友話啤酒買一送一 好似 VND33,000/杯 咁實叫啦 因為真係好抵 我飲半杯就夠 lu 剩咗要里奧大人包底 唔好嘥嘛 哈哈
打邊爐正呀 我好鍾意食釀羊角豆 諗住紅辣椒無料到 點知辣到跳舞
香茅湯底嘅蜆 湯底超勁香茅味 我又加埋薑片 好好味呀 可能頭先飲咗汽水同啤酒 所以依家飲番啖湯 飲完暖笠笠好舒服 哈哈 麻鬼煩呢
我都食咗幾隻芝士焗蠔 得細細粒蠔肉
越南紙米卷 真係好似食紙咁 好難先咬得開呀
拎幾隻蝦比佢地炒 估唔到會加埋配菜一齊炒 超級勁好味呀
順便炒多碟炒麵 孝敬愛人
炒通菜仍都非常之好味 食咗 2 碟
蝦片無味嘅 不過就好脆呢 忍唔住再食黃蘿蔔壽司 但其實真係好細粒 唔會太飽肚
糕點唔太煙韌 反而 Cheese Cake 又 OK 喎
里奧大人就食咗咁多款甜品 佢居然話木薯糕煙韌 所以我叫團友等埋我試咗先好拎 因為奧講嘅煙韌係絕對唔準確的
食到 8 點 45 分 其實可以再食多啲 不過里奧大人話佢飽喇 咁得我食又無癮 同埋其實都有啲熱 所以都係想上房嘆冷氣算喇 ~
我望下對面棟大廈啦 睇下係學校定咩 之後見到有個人行出嚟 勁驚呀 又望唔到有無影喎
沖埋涼 睇下電視 11 點半都瞓喇 ~
聽朝 7 點 Morning Call 我覺得算早喇
呢日行程完畢 ^^
沒有留言:
發佈留言