食完生果就 (泛舟暢遊熱帶樹林沼澤) 喇 因為要比 Local 團上船先 佢哋 3x 人呀 條樓梯又窄 佢哋又係咁行唔理人哋喎 搞到氣氛相當緊張 哈哈 ~
12 點 10 分開船 12 點半就上岸喇 實在太好 因為我真係好驚 ~
又行番出去喇 如果無大樹遮陰 真係中暑都似
讓 Local Tour 上船先 佢哋個領隊仲着長袖裇衫打埋呔 我真係睇見都熱呀 哈哈
其實我好驚坐呢啲艇仔㗎 我太論盡喇 驚反艇 同埋賓尼兔千叮萬囑叫我哋千其唔好伸手扶住艇邊 如果要扶住 就扶住艇仔入面條黃色木棍 真係佢唔講我都唔會留意 佢話之前有團友就係扶住艇仔出面 咁條河又窄 隔離隻艇又碰埋一齊 所以隻手掌 "界" 到流哂血 之後番香港要切咗隻手掌添呀 因為團友原來有糖尿病 傷口感染囉 比佢講一講 其實我仲更加驚 妳知啦 驚趺落河嘛 有嘢就扶㗎啦 點記得咁多喎
到我哋喇 團友坐後面 我坐最前 里奧大人就坐第 2 個位 所以要最後上船 要 Balance 嘛 唔係反艇 呵呵
咁睇條河好似幾闊咁
其實我 Load 相嘅時候 以為頭先等開船嗰陣 企喺我隔離嘅女人 就係我面前撐船嘅女人嚟㗎 但無理由家嘛 唔係架船點撐埋嚟喎 都話 Load 相 Load 到人都顛咗啦
窄窄嘅小河流
又嚟 3 隻船迫埋一齊 即刻叫里奧大人千其唔好伸隻手出嚟呀 其實我叫咗幾次 驚佢唔記得嘛 搞到我精神有啲緊張 哈哈
坐到咁上下 佢就派幾頂帽比我哋 初初我唔戴 因為我本身帶住遮臉罩嘛 之後我都係試帶下 勁正喎 又輕身 ~
無啦啦叫我幫手撐船 咁撐啦 其實撐同唔撐完全無分別 哈哈
唔知點解 我哋隻船好貼啲草 其他唔係咁㗎喎 所以佢好多時都要用力推番隻出去呢
里奧大人之後幫手撐啦 第一野已經潑哂啲水落我腳度 之後又打咗我頭一下 我發哂脾氣叫佢比番我撐呀 諗諗下自己真係好鬼衰 佢想幫我之嘛 發咩脾氣喎 真係要好好控制一下自己嘅情緒呢
玩水 ?! 唔係嘛 好耐之前去泰國又係坐艇仔遊湄公河 導遊話啲人會喺河度洗衫沖涼 又話如果用啲水擦牙洗臉 會有消炎作用 我嗰時真係以為真㗎 之後先知佢原來講笑囉
我見到有阿婆撐船 離遠睇以為遊客 因為無諗過係阿婆呢 唔怪我頭先賓尼兔話有現代同古代船伕啦
男人應該有力啲
海底椰呀
好似人樣呀
撐完喇 里奧大人話我哋應該收番小費先啱呀 哈哈
船伕好好人 扶上又扶落㗎 我真係靠佢扶住呢 哈哈
里奧大人細細聲同船伕講: 記得扶住我隻惡雞乸 唔係一陣又發脾氣㗎喇 拜託拜託
海中心呢啲綠色嘢 唔記得係咩來 但賓尼兔話係有用呢
12 點 50 分到餐廳 食食下嘢 有個女人好開心咁望住我笑 嗰下我有啲驚 因為我唔識佢嘛 之後佢仲繼續笑喎 我心諗係咪里奧大人啲同事或者客呀 定係我隔離團友啲朋友呀 ?! 之後嗰女人直頭行過嚟 同我講話 "妳又嚟咗越南呀 ?!" 嚇到我即刻話妳認錯人呀 之後佢都好尷尬走開 我同里奧大人講話係咪真係似樣得咁緊要呀 ~
食下傾下 話咁快到 1 點半 又要去下個景點喇 ~
去食嘢喇
我同團友兩公婆以為呢度食啦 一入去都無人嘅 原來去錯地方 哈哈
熱唔熱呢下 ?! 不過我發覺 我次次出完汗 上車涼咗陣冷氣 啲手腳就唔會立黐黐 仲好爽添㗎 真係唔記得之前係成身汗呢
細細粒紅 Mo 用佢嚟做對比就最好 哈哈
油泡魚出場喇 勁大條 勁樣衰呢 同埋佢有好多魚鱗 我試咗連皮食一啖就唔敢再食 有啲驚
越南名物 : 米紙 口感真係好似食張紙咁 哈哈
最搞笑係初初有個侍應包咗 1 份 咁我哋個個掛住傾偈影相嘛 都無理佢 以為佢會包哂比我哋食 點知佢包完 1 份就走人喇 所以我哋之後就求求其其包啦 唔係點喎 哈哈
里奧大人包㗎 又 OK 喎 起碼包得哂所有嘢 哈哈
我就包得衰啲 好明顯係樣樣包埋一齊就算
個飯好味喎 口感有啲似糯米飯 真係估唔到呢 團友見我咁講 佢哋又要食呀 真搞笑 所以今次跟團真係好開心呢
之後又剪開一塊塊 今次呢個好食呀 因為又脆又煙韌 但最底層嗰啲就唔好食 一 Pat 嘢咁 仲以為會更加煙煙韌韌添
呢個丸都幾好味
無試呀
最緊要有條菜 天氣熱 唔係咁想啖啖肉
呢碟通菜炒得好好味
什菜蝦湯 ?! 清清哋好飲喎
好似 VND33,000/罐 里奧大人話味道淡啲
又會無英文名嘅
煎堆大過人頭
沒有密碼
真係睇唔出 入面係有間餐廳
唔拚埋都唔覺自己坐嘅旅遊車係咁細 哈哈
3 點 15 分開始去統一宮 (前總統府) 4 點 15 分就去到喇 一落車就熱鬼到呢 ~
係時候要數下啲錢 因為一陣要去超市買嘢呀
坐車嘅時候 又可以望住個天喇
車頂嗰兩籃嘢 應該唔會跌落嚟啩
個個想瞓覺 哈哈
又嚟影下相 賓尼兔話之前啲團友同佢講 見到有兩個人坐電單車 後面個人拎住塊好厚嘅玻璃 擰埋臉抖氣都有難度㗎 所以好佩服佢哋呢
店名好搞笑
街道 Number 非常之清晰
之前賓尼兔話如果街邊有垃圾桶 都只會係固定嘅垃圾桶 咁就唔會比人偷呢
兩大兩細
如果離遠睇 真係完全唔似抱住個 BB 囉
一家三口坐車係等閒事
唔係多咗隻腳 真係唔知係一家三口
呢幾日都要藍天白雲呀
行到半路 全部團友一齊影張團體相 HK$20 一張 不過我無買
內閣會議室
海陸空總司令板圖館
我真係超愛呢啲電話
外賓室
行上一層睇睇先
大中細櫈 真係唔講唔覺囉 因為裡面好暗呢
其他國家送比越南總統嘅禮物 呢啲係大象腳
寑室
飯廳有分食中餐同西餐嘅地方 呢度係食中餐
呢度係食西餐 話說啲刀叉係好重 因為想總統用下力喎
呢度係總統夫人室 (First Ladys' Reception Room) 麻將枱腳好得意呀
小相公 哈哈
飲酒唱 K ?!
仲有電影睇
紅色圈係炸彈跌落嘅位置
行到出哂汗 係時候要補充體力 諗起尋日買支甜茶難飲到呢 所以今日都係穩陣啲 飲番自己識嘅牌子好過 呢罐係 VND20,000
又落去睇喇
呢張紙有 47 年歷史
全程無冷氣 又焗 真係成身汗 我件衫已經濕哂 啜住哂啲肉呢
勁想扭下啲制 不過好似好多手咁 哈哈
好似係麵包機
影埋呢張就行哂 lu
明明可以好嘆咁坐住吹風扇 點知有個男人坐埋嚟 唔知日本人定咩 同我笑又講咗幾句嘢 之後嚇到我走出去搵番里奧大人呀
呢日未完㗎 ^^
大中細櫈 真係唔講唔覺囉 因為裡面好暗呢
寑室
飯廳有分食中餐同西餐嘅地方 呢度係食中餐
呢度係食西餐 話說啲刀叉係好重 因為想總統用下力喎
呢度係總統夫人室 (First Ladys' Reception Room) 麻將枱腳好得意呀
小相公 哈哈
仲有電影睇
紅色圈係炸彈跌落嘅位置
行到出哂汗 係時候要補充體力 諗起尋日買支甜茶難飲到呢 所以今日都係穩陣啲 飲番自己識嘅牌子好過 呢罐係 VND20,000
又落去睇喇
呢張紙有 47 年歷史
全程無冷氣 又焗 真係成身汗 我件衫已經濕哂 啜住哂啲肉呢
勁想扭下啲制 不過好似好多手咁 哈哈
好似係麵包機
影埋呢張就行哂 lu
呢日未完㗎 ^^
沒有留言:
發佈留言