苦瓜炒豆豉鯪魚 + 西洋菜鹹鴨腎豬骨湯 ( 11-SEP-2015 )

( 11-SEP-2015  FRI )

尋晚瞓咗無耐   無啦啦門鐘響   原來管理員問我哋有無燒燶嘢   因為走廊有好大陣燶味   其實之前都試過   走廊又係好大陣燶味   問我地有無開火燒燶嘢   嗰次真係一開門就聞到燶味   今次就無囉   但比佢咁響一響   真係嚇鬼死呢 ~

一起身就眼痛   真係瞓得唔好咯 ~

里奧大人依家逢星期五會早 10 分鐘起身   咁佢就可以喺公司附近嘆個早餐   Relax 下咁話   咁即係話我都要早 10 分鐘起身啦   哈哈   不過難得佢咁想嘆早餐   我早啲起身都無所謂嘅 ~

早餐食腿蛋治   其實唔想食   但一陣要 Pack 箱   所以想食飽啲囉 ~

番到菇場抖到 10 點就 Pack 箱喇   以前就快手快腳 Pack 得好快   所以次次 Pack 完就成身汗   依家唔喇   慢慢 Pack   真係無咩汗啊   呵呵   不過 Pack 到 12 點就抖下先   食完 Lunch 之後再 Pack ~

今日有 Lunch Box   但其實唔餓   同埋實在太大盒   食到我好辛苦呢 ~

真係太飽   所以出去行下   買咗 6 Pack 紙巾   勁驚同事見到   哈哈 ~

分別喺惠康同百佳買㗎   $14.9/Pack (18 包) + $1 有多 Pack (18 包)   即係 $15.9/Pack (36 包)   平時最平都要 $19/Pack 㗎   上次姑奶嚟我屋企見到好多紙巾同廁紙   同里奧大人講駛咩買咁多呀   屋企樓下就係超市   里奧大人話我計埋啲師奶數呀   哈哈

行行下收到家姐 Whatsapp 話今日玩漂流   我勁擔心啦   因為佢唔識游水家嘛   之後佢話唔係激流   漂流係細路仔玩咁囉   喺個海到漂下漂下咁   哈哈   咁都好啲 ~         

抖陣又即 Pack 箱喇   4 點搞掂   真係了咗心事喇   因為其實 7 月要 Pack 好哂㗎   不過我唔想 Pack 咋 ~

放工去媽咪屋企拎湯   已經叫咗工人喺巴士站交收   之後工人問我上唔上去   以為有咩事添   佢話無呀   咁好啦   我都上啦    佢想我同媽咪祈禱   之得唔叫工人行嚟行去啦 ~

工人話媽咪今日食好大碗粥   真係好喇   同埋見佢臉色都好咗   所以我都好開心呀   不過我坐到 6 點半就走喇   趕住煮飯呀   哈哈 ~ 

里奧大人 7 點 15 分放工   咁我抖多陣就煮嘢 lu ~ 

是日懶餐 - 苦瓜炒豆豉鯪魚 + 西洋菜鹹鴨腎豬骨湯

苦瓜炒豆豉鯪魚 - 冰姑話用苦瓜炒都好食   其實咁都好   唔駛成日油麥菜同生菜咁悶   但啲苦瓜好苦   不過我都接受到   話明苦瓜梗係要苦啦   但其實應該係甘甘哋   苦盡甘來   哈哈 ~

西洋菜鹹鴨腎豬骨湯 - 媽咪叫家姐工人煲㗎   好好飲呀   我覺得家姐工人煲呢啲菜湯係好飲過媽咪煲嗰啲呢 ~

洗埋碗就叫里奧大人陪我去華潤買低脂奶比媽咪   咁我就唔駛心掛掛   又唔駛我聽朝番工之前去買   真係好感恩   咁啱頭先工人話媽咪得番 1 Pack   咁啱我之前見到做特價 $32/Pack   所以即買 4 Packs 喇   咁星期日可以比埋佢呢 ~

番到屋企即沖涼   食埋生果就睇電視   差唔多 12 點先瞓呀 ~