紅蟻泰國菜館 @ 牛頭角 ( 19-SEP-2015 )

泰式炸蝦餅 8 件 ($55) - 好抵食   又好味喎   下次一定再叫   哈哈

炒鹹豬肉 ($55) - 鹹豬肉啲皮唔脆   下次就咁炒椰菜苗算 lu  

香辣雞肉碎炒河 ($50) - 好多菜絲   所以我鍾意食呢  

鹹檸檬七喜 ($20)

( 19-SEP-2015  SAT )

好感恩一覺瞓天光呀   今朝鬧鐘響咗   仲以為係咩嘢聲添 ~

好記得臨醒前個夢   係同里奧大人去尋晚嗰間花園餐廳食飯   我同佢傾偈   佢叫我唔好咁大聲講嘢呀   個夢真係好真實   因為尋晚間餐廳真係好鬼嘈呢 ~

7 點 45 分起身   所以要快啲手腳沖涼喇 ~

今朝食早餐都要快啲喇   其實可以遲啲番   不過都係唔想   呵呵 ~

菇場唔忙   所以好鬼靜 ~

放工即番屋企   抖到 2 點幾先去食嘢   勁想食麻辣豬耳   所以去譚仔   但其實里奧大人食譚仔食到好驚   哈哈 ~

里奧大人唔食豬耳   所以我食哂成碟   我覺得都幾滯咁   所以碗米線食剩 1/3 碗呀   里奧大人果然唔想食米線   如果唔係   佢會幫手食呢   

食完行陣   去 Zara 睇嘢   居然買到 2 頂冷帽   實在太開心喇   可惜里奧大人買唔到帽啦   唔係更加好 ~

特價呀   每頂只係 $99   里奧大人話我帶兩隻色都好睇   同埋質地都好 OK   所以買哂去喎      

尋晚 CC 買唔到件迷彩褸   咁今日佢再出去買   咁 Whatsapp 比我啦   仲話買到件牛仔 One Piece   咁我其實都有少少眼瞓   見到佢 whatsapp 打 "買咗迷 & 牛   再出香工"   我奇怪點解佢會去買 "送 & 牛肉"   佢唔煮飯家嘛   同埋奇怪點解佢拎住啲餸同牛肉去買衫   之後再認真啲諗   佢係話迷彩 & 牛仔   哈哈 ~   

買完就番屋企   諗住出黃大仙食嘢   不過到最後都係唔去喇   唔想去咁遠 ~

我勁想食泰菜   諗起牛頭角有間泰國菜館   所以就去試下喇 ~

里奧大人無諗過我識去   因為我之前睇中醫   聽到有個人話有間泰菜館   我先知咋   因為真係唔會去嗰邊食嘢呢 ~

食完喺附近周圍行   睇下有無其他食肆   下次可以嚟試下 ~

番到屋企即沖涼   之後就同里奧大人一齊睇戲喇   睇到 12 點先瞓 ~