叙苑粉麵茶餐廳 @ 九龍灣 ( 15-SEP-2015 )

( 15-SEP-2015  TUE )

今朝里奧大人上大陸開會   所以我瞓到 8 點先起身   諗住瞓多啲快啲好番   不過都唔係好好多咁囉 ~

早餐食奶油脆豬   好耐無食   覺得好好味   哈哈 ~

一番到菇場就鼻涕長流   我估菇場真係好多菌呢   因為好多時唔舒服喺屋企係無嘢   但一番菇場就好唔舒服囉 ~

頭重重   其實都唔在狀態   自己係咁搵計數機   但原來部計數機喺自己面   所以唔好有嘢做   因為驚做錯   不過妳越唔想   就越有嘢做啦 ~

我同里奧大人講話下次水姑感冒就咪同我哋食嘢啦   依家累到我病呀   身體已經弱仲病埋   真係好辛苦囉 ~

做下停下就 Lunch Time   好在仲有超米   懶得落街嘛 ~

係咁包雲吞   真係未停過   擦到個鼻都損埋   今晚真係要睇醫生喇 ~

家姐喺沙巴買咗榴槤同豬肉乾比我   但我唔上媽咪屋企拎喇   同埋我 Book 咗 6 點睇醫生   所以叫工人喺我屋企樓下交收   我拎番屋企之後就即落樓睇醫生喇 ~

去到診所就有得睇   真係第一次咋   因為次次都要等呢 ~

睇完就去美心買糙米芝士包   咁聽日可以唔駛出街   可以狂瞓 ~

里奧大人 8 點半番到九龍灣   咁我想食湯粉   咁近近地叙苑算喇 ~

食完就去 Taste 買木瓜   里奧大人深信木瓜係好有用   今朝 Line 問我有無 Buy Papaya ?!   晏畫打電話又問我有無食木瓜 ?!   放工又問我買咗木瓜未 ?!   一見到我又問有無買木瓜   真係全日木瓜木瓜木瓜   不過好感恩真係買到木瓜   唔係又有排問㗎喇   哈哈 ~

2 Pack 唔知咩品種榴槤 / 2 Pack 貓山王

家姐話好食   所以係都要買包比我  

我話唔要   佢話 : 貓山王喎 ?!   我都係話唔要   但佢又係點都要買比我   

佢呢下最醒啦   我無叫佢買㗎   只係叫佢記得飲   估唔到佢會買囉   我話做咩比 4 罐我   之後佢話 : 留番 2 罐比佢飲都得下嘛 ?!   哈哈哈哈   其實我想話每人 3 罐呀   咁佢可以飲多啲嘛   又會咁睇我嘅   嗚嗚

番到屋企即沖涼   之後佢切埋木瓜比我食   實在難以置信 ~

食完藥   隔咗陣啲藥就嚟料   所以 11 點唔夠都瞓喇 ~