豉椒炒苦瓜牛肉 ( 14-SEP-2015 )

( 14-SEP-2015  MON )

尋晚半夜起身去咗兩次廁所   下次真係唔好食咁大個梨   攞嚟搞   哈哈 ~

仍然流鼻水   不過點都要番工啦 ~

早餐食芝腿治   食完睇陣報紙就番工 lu ~

番到菇場即做 Report   居然唔記得 Password   真係點記都記唔到   好在之後寫咗比同事   我開嚟睇番   唔係就煩喇 ~

好攰呀   係咁流鼻水   真係勁想番屋企瞓覺 ~

食埋 Lunch Box 就上網啦   因為瞓又瞓唔到   但其實好鬼攰 ~

沾寒又沾凍   唔好發燒呀   我唔想請病假呀 ~

放工去買麵包比里奧大人就番屋企喇   攰到黐咗線   諗住整炒熱啲隔夜餸先   但炒完無理由放到 7 點家嘛   咁算啦   煮埋個丁麵   食早飯啦   食完都只係 6 點 45 分   哈哈 ~

食完就煮嘢   之後沖涼休息喇 ~

   
是日晚餐 - 豉椒炒苦瓜牛肉

豉椒炒苦瓜牛肉 - 又比冰姑睇下啲苦瓜夠唔夠薄啦   對我嚟講算薄㗎喇   不過佢話唔夠薄喎   叫我下次再切薄啲   咁鬼煩   仲有下次咩   哈哈 ~

里奧大人 7 點 45 分放工   咁我都預定時間煮麵   佢一番到嚟就比盒木瓜比我   原來佢特登行去 MP 買嘅   算佢啦   之後仲話好在比佢見到呢盒   因為比之前果盒遮住咗   講到好辛苦咁   我話平時你想食嘅嘢呀   我都係咁樸番嚟啦   哈哈 ~

我話 $27.9 好貴呀   得果半個咋   係邊個國家出產㗎 ?!   係咪因為係 "杳" 木瓜   "杳"即係咩呀 ?!   我真係諗咗 "杳" 好耐㗎   係之後 Load 相先覺得應該係個 "香" 字呢   哈哈     

我唔知係感冒關係定咩   我覺得無味   但里奧大人話有味喎

食完又係咁問好唔好啲   其實真係唔覺囉   可以因為啲感冒發咗出嚟   但如果啱啱起感冒嘅時候食就真係有效呢 ~

今晚早啲瞓   10 點 45 分瞓喇 ~