嘉華大酒樓 @ 官塘 ( 8-SEP-2015 )

雲耳勝瓜炒肥牛

菠蘿生炒骨

豉汁蒸黃立鯧

( 8-SEP-2015  TUE )

自從媽咪身體唔好之後   真係好擔心   我真係好難一覺瞓天光   所以上次去大陸旅行   係咁瞓係咁瞓   瞓番夠本   個人真係舒服好多   但其實我係個心好攰   真係好在媽咪有個好工人   減輕我好多負擔   起碼佢會睇住媽咪食咗幾多嘢   迫佢做運動   咁真係差好遠㗎   好過唔郁嘛 ~

早餐食奄列   份早餐嚟咗無耐   8 卦又嚟埋   勁驚佢食咗我份早餐呀   因為佢都係食奄列嘛   哈哈 ~

菇場忙下停下   最恐怖係我居然唔記得開 D/N   不嬲係 1 號開   但我居然唔記得   好在 A/C Dept 要開票   問我有無開咋   我仲話開咗攏咗喺 Tray   可能其他同事做咗 Filing   我做咁耐   第一次咁咋   我覺得自己都好離譜咯   自己都接受唔到呢 ~

食完 Lunch Box 就去 Panash 買麵包比里奧大人做聽朝嘅早餐   之後去買零食比自己   買完就番菇場喇 ~

我同里奧大人講話好辛苦撲出去買㗎   佢問我真定假   我話係真辛苦囉   之後原來佢話個包係咪真係買比佢   因為我好少買啲咁包   唉   都唔了解我啦   我都唔係咁鍾意食包   點會買比自己喎

$20/包   都幾好味喎   

菇場又係忙下停下咁啦   死 8 卦成日最鍾意經過我個位   之後就輕輕力推我張櫈   咁頭先見佢行開   我走埋佢個位度   放幾個萬字夾落佢張櫈上面   之後問佢做咩張櫈咁多萬字夾   佢勁喎   估係我做   不過我唔認住   佢就話應該頭先拎 File 跌出嚟   哈哈   不過我最後都同佢講番話係我放嘅   佢話得我先會咁無聊呢 ~

放工即走   今晚同媽咪 家姐食飯   因為家姐星期四去沙巴   咁早一晚食好啲   可以執下嘢嘛 ~

去到媽咪屋企就分藥   咁家姐一陣番到嚟就咁 Double Check 就得   慳番好多時間㗎 ~

6 點半落去酒樓   里奧大人 7 點 send 咗張豬扒飯嘅相比我   仲以為佢已經番到屋企   原來佢喺公司附近食   咁都好   早啲食   多啲時間消化嘛 ~ 

家姐今晚勁塞車   差唔多 7 點半先到   食完就同佢去萬寧買嘢   之後番媽咪屋企喇 ~   

見到媽咪腳郁郁   家姐話媽咪依家都會腳郁郁   咁都好喎   起碼郁   但又唔會大動作嘛 ~

同家姐 9 點走人   因為佢要去我屋企拎馬幣   估唔到仲有  RM400   咁比埋佢啦   反正我短期內唔會去   咁比家姐用好過   再比埋平安利是佢   佢坐到 10 點唔夠就走   咁我都沖涼 lu ~     

真係好攰   所以 11 點瞓喇 ~