打邊爐 @ 家姐屋企 ( 10-OCT-2015 )

李錦記沙爹火鍋湯底   1 包就無味   但 2 包就超勁鹹   根本完全無沙爹味

水餃麻麻哋

我話要食水魷

手切肥牛唔小得   呢度 $100   真係抵食過肥牛   我去到邊度打邊爐都好   如果有牛肉   里奧大人一定淥比我食先   而家姐就會係咁叫我食多啲牛肉   因為佢哋成日話我口唇好白又成日頭暈   要補補血呢      

雜丸唔小得   工人話每人每樣一粒   我話夠㗎喇   次次都食唔哂   就算今餐每人每樣一粒都食剩 10 粒   家姐話不如食埋去   我話唔好啦大嫂   真係好飽呀   點解喎   留番啦  

經過南記   問家姐試唔試下春卷打邊爐   佢話好喎   咁就買 6 條春卷 ($24) 啦     

炸魚皮 ($20)   今次厚身咗啲   不過都好好味   因為勁想勁想食好耐喇  

唐生菜 + 金菇   唔記得叫佢哋買白蘿蔔   所以我喺北角街市買呀   我都幾鍾意食白蘿蔔㗎   不過就咁食就好涼   咁打邊爐燥熱嘛   可以 Balance 番   哈哈    

大量生蒜蓉

家姐同工人話呢隻 "不倒翁" 嘅麵好辣   其實想試架   我食唔到就比番佢哋食嘛   不過實在太飽   真係食唔落呢 

( 10-OCT-2015  SAT )

今朝 7 點 45 分起身   沖完涼整呢樣嗰樣   差唔多 8 點 15 分先出門口   唔知點解今朝完全唔想番工咁   哈哈 ~

早餐勁想食麵餐架   不過唔餓   所以都食食芝腿治算喇 ~

菇場唔忙呀   Hea 住等放工 ~

9 點幾家姐 Whatsapp 問打唔打邊爐   真係邪   尋晚先同里奧大人講話遲啲涼啲就去家姐屋企打邊爐   估唔到家姐今朝就問   咁我問佢點解無啦啦打邊爐   佢話今日有少少涼意   哈哈   咁等埋里奧大人起身先問佢   估唔到里奧大人又起咗身   話 OK 喎   但要有啤酒   驚熱氣呀 ~

講好哂要食啲咩就搞掂   今日要講清楚啲   因為得工人去買   佢唔會好似家姐咁   見到覺得我想食就買家嘛   哈哈 ~

依家里奧大人多數星期六主動熨哂啲衫   又會開機洗衫   等我唔駛咁辛苦   算佢啦   雖然佢無我熨得咁靚   但照殺啦   佢成日話底衫褲襪毛巾唔駛熨咁靚   我唔得㗎   我都會好認真熨   所以我次次熨嘅時間比佢多好多呢 ~

放工即走   約咗佢喺九龍灣地鐵車廂等   之後一齊去北角搵菜仔買嘢 ~

本來一齊食嘢   後尾菜仔唔得閒   咁諗住搵家姐去鰂魚涌食   不過家姐又未走得   咁我哋都去北角食嘢算 lu ~

行到唔知邊   見到有間食牛肉麵   我想試下   估唔到又好味喎   呵呵 ~

招牌牛肉撈麵 ( $38 ) - 牛肉入味   同埋個汁辣辣哋都幾開胃  

撈埋一齊好味啊   我鍾意啲麵有啲青瓜絲   食落好爽口   我好鍾意呢

招牌牛肉 10mm 大寬麵 ($38) - 其實湯底無咩味   好在牛肉入味   

如果麵條係煙煙韌韌就好啦   哈哈

涼洋木耳絲 ($18) - 無味嘅   同埋好油   但又唔覺有麻油香囉   

免費嘅   好耐無飲 Yeo's 呢個牌子喇  

食完都 2 點半   菜仔未到   所以去新都城買 Face Lotion   咁買咗件褸比媽咪   差幾蚊雞就夠 $500 可以抽獎一次   咁買個 Folder 啦   無理由買幾十蚊嘢家嘛   最後抽到支梘液   好過無   哈哈 ~

原價 $88/支   會員有 85 折   折咗係 $74.8/支

Lanolin Cream ($72 無折扣) /  Lip Balm (特價 $41 原價係 $6x)

買咗呢個 Folder   本來我諗住買 Little Twinstar 嘅   不過突然之後唔係咁想咁 Pink   所以買 XO 喇   

喺新都城買滿 $500 可以抽獎一次   佢哋話點都會中獎   哈哈    

周圍行下又買下嘢咁   之後去搵菜仔   不過佢唔得閒住   咁我地再周圍行啦   再買啲嘢咁   差唔多 4 點半就再去番菜仔度買乾螺頭同越南腰果   佢實在太忙   我咃都唔阻佢喇   所以傾兩句就走 lu ~

萬用滷味包 ($10) / 紫薯仔 ($13)

木薯粉 ($6) / 上黃薑粉 ($10) / 
咖哩粉  / 花椒  / 八角 / 五香粉 / 月桂葉都係 $5/包

粗鹽 $2 包咋   仲話係海鹽   咁佢話係就係啦   哈哈  

喺大生超級市場買㗎   粟米粒 ($3) / 田師傅咖哩醬料 ($15) / Pandan 香油 ($6)

幫襯菜仔買嘅越南有衣腰果 ($98)   另外買多 2 包乾螺頭   每包 $228   

之後約埋家姐   5 點喺 690 巴士站一齊番家姐屋企呢 ~

行行下見到白菇   里奧大人好大聲話有毒㗎   佢唔係以為我想拎嚟打邊爐呀嘛   哈哈

去到家姐屋企就坐陣   家姐要車姐夫出去   咁里奧大人飲完支細啤話好眼瞓   咁佢瞓陣啦   我跟埋家姐車出去   呵呵 ~

終於落大雨喇   今晚唔駛徑步    可以慢慢食   哈哈 ~

7 點開餐   一路食一路傾   之後唔記得講開啲咩   里奧大人話我對家姐好咋   對佢啲聲氣唔係咁㗎   我覺得佢講 "聲氣" 呢兩個字好八婆咁   哈哈   里奧大人好多時都話我啲語氣態度好差㗎   我話當妳重覆重覆又重覆叫一個人做番同一樣嘢   點好脾氣都會發火啦   係咪先 ?!   所以唔怪得我係咁囉   呵呵 ~

里奧大人無啦啦問家姐要唔要電話線   家姐話好呀   啱啱壞咗   點知里奧大人好大反應話 "唔早啲講 ?!"   唔知以為佢已經比咗其他人   但其實仲喺屋企嘅   家姐話點早啲講喎   點知妳有多電話線喎   同埋你依家先問之嘛   哈哈哈哈 ~

食食下家姐好搞笑   無啦啦望住我   話好想拻我塊臉   之後輕輕力拻咗   真係邪   頭先見菜仔   佢又係兩隻手摸我塊臉   可以我塊臉太多肉   因為次次見菜仔佢都係咁摸我呢   哈哈 ~  

食完抖陣就做 Sky Walker   因為今晚無得徑步嘛   尋晚我好大聲咁 "Gur" 咗一大啖氣   里奧大人即刻擰轉頭望我   今晚我又係咁   家姐又即刻擰轉頭望我   角度又差唔多咁   同埋話我咁核突   哈哈   咁又係核突嘅   但真係好自然咁家嘛   但平時我無咁㗎   唔知點解呢兩晚會有咁大啖氣呢 ~

麥包瘦咗好多呀 

可唔可以唔好咁嘅眼神望我呀   哈哈

又瞓緊覺 lu

個頭圓碌碌好得意   

B 仔老喇   啲毛都白咗好多呢  

佢係一個佬樣   但行為就好乸型   哈哈   

睇到佢嘅眼白   個樣當堂好慘咁   我覺得好得意呀  

呢個樣都好 BB

其實佢係瞓緊覺

間唔中又望下妳咁囉          

差唔多 9 點半就走喇   家姐屋企出面勁大風   完全係冬天 Feel 呀   凍到連車都唔駛開冷氣添呀  ~

番到屋企即沖涼   今晚我都唔駛開冷氣呀   之後家姐 Whatsapp 比我睇佢把風扇扇葉比風吹到郁   真係好大風喎   其實佢同工人成日都話好凍   夏天唔開冷氣瞓覺都話凍   今晚終於知點解 ~

家姐喺沙巴買㗎   佢話姐夫係咁叫佢買嚟食   佢咪買囉   但佢同工人話唔辣   同埋話有沙糖喺麵好甜喎   所以唔鍾意食   反而我鍾意食沙糖面嘅魷魚片喎   咁就益咗我啦    

執下嘢又睇陣電視   12 點先瞓 ~