長洲一日遊 + 恆樂海鮮菜館 (PART 1/2) ( 24-OCT-2015 )

( 24-OCT-2015  SAT )

今朝瞓到 11 點自然醒呀   無諗過瞓到咁晏添 ~

即刻刷牙洗臉落樓食早餐喇   食完就番屋企沖涼   差唔多 12 點就出發去碼頭喇 ~

去到碼頭再決定去邊囉   首選係長洲   之後就係愉景灣同南丫島   如果度度都多人搭船   咁就轉去山頂喇   Plan 好哂最好   到時可以即轉   哈哈 ~  

等咗好耐 619 呀   12 點 50 分先到東隧口   感恩等咗 10 分鐘就有 603 呢 ~   

1 點 20 分就落車   愉景灣差唔多有船開   但我哋想去長洲呀   所以開行 Turbo 跑去長洲船嗰邊   真係人哋唔知以為比狗追呢   真係好彩跑咋   因為 1 點 30 分開船呀   感恩感恩 ~

去到碼頭已經 1 點 25 分喇   所以好快開船   

喺碼頭入面見到人頭湧湧都幾驚

坐低抖順番條氣先   不過坐正好曬嗰邊窗口位   所以我要同里奧大人調位坐呀   我唔想未行已經成身汗呢 ~

太陽正正曬住我  

見到南丫島   搵日又行下先

好多鷹捉魚呀

唔知做咩鬼   無啦啦開始好眼瞓添 ~   

2 點 17 分就到長洲喇   因為今朝晏咗起身   所以入到嚟長洲嘅時候   應該同我平時星期六放工入到嚟嘅時間差唔多   咁即係下次可以放工入長洲   正呀 ~

到長洲碼頭 lu 

里奧大人為我預備嘅防曬裝備   因為有次我話曬完頭痛   佢就即刻擺定頭巾喺背囊   仲諗定點樣縛住先穩陣   實在太細心喇佢   將我變成一個大媽   哈哈  

無諗過長洲唔多人喎   實在太好呢 ~

依家日長夜短   所以同里奧大人話要快啲食嘢   我寧願多啲時間周圍行好過呢   咁求其搵間餐廳食嘢   我話明要快嘛   點知 2 點半坐低   2 點 50 分先有得食   仲諗住呢啲餐廳會好快添   可能我叫蒸餸   如果唔係會更加快   最衰係我   哈哈 ~

冬瓜薏米湯   里奧大人居然飲哂一碗   佢從來都唔飲呢啲例湯㗎   但今次佢話要消暑   一陣就唔駛驚中暑  

其實咖哩豬扒蛋飯係唔需要等 20 分鐘囉   我估佢哋可能想我哋一齊開餐啩

土魷蒸肉餅   但啲肉餅好林呀   口感好怪   好似啲豬肉碎加咗好多水撈埋一齊咁      

其實因為呢間冷氣夠先入去   之前諗住去另一間   但見到有人撥扇   咁我入去啦   好鬼焗呀   所以即轉場

食完抖陣就出發喇   今次係環島遊   全程由里奧大人帶路   佢跟住上網資料嚟行   應該唔會錯啩 ~

又唔太熱咁噃   可能因為未開始行   哈哈

3 點 15 分開始行   咁行咗 5 分鐘就同里奧大人講定今晚食咩餸   佢即刻好大反應問我究竟係行山定食嘢   其實頭先一出碼頭已經見到梳乎蛋話要買㗎喇   所以佢成日話我去到邊買到邊   但其實我覺得鍾意先買之嘛   唔係咩都買㗎噃 ~ 

@ 冰廠街 - 我哋由呢度開始行喇   因為已經 3 點 15 分喇   所以要行快啲   

@ 長貴路 - 行呀行   又唔係見好多人行喎   希望唔好行錯路啦  

都有唔少人踩單車   速度仲幾快添   所以我哋行嘅時候都唔敢突然間煞停呢 

阿婆開始用行山仗喇   哈哈

經過沙灘  

無人游水呢    

原來隻船係咁樣航行嘅 



睇住佢對腳踩落水   但佢係着住對波鞋噃   咁樣濕住好唔舒服啫

行去另一嚿石   睇見都危險  

抖下先

隻狗咬緊嚿豬骨

爛船仔

突然間好多人   其中有 2 個大陸男人係踩單車上去    

大船係慢   同埋坐嘅時間比快船多半個鐘   但就無咁拋囉

行到呢度都 3 點 35 分喇   我哋係要去東灣仔呢  

上斜呀   最驚   

好狗唔欄路喎   好在我唔駛去廁所咋   不過如果要去   我會叫里奧大人駛開佢呢   哈哈  

行咗 4 分鐘已經要抖喇   無鬼用呀呢   無計啦   肥嘛   又熱喎   唔抖真係直碌番落去囉

哈哈哈哈哈哈 

繼續上斜   見佢哋推住架單車上去   我當堂覺得自己唔算辛苦㗎喇  

  

呢個唔記得係咩亭   只知道我哋係行啱方向就得  

左邊樓梯係去北眺亭  

我初初離遠睇以為好多蟲呀

見到人上斜   我都覺得辛苦  

終於 3 點 50 分去到呢度    

行樓梯上去喇  

又要抖下   如果唔駛抖   可以好快行哂   但唔抖就欣賞唔到風景   哈哈  

仍然繼續行  

差唔多到喇啩  

好舒服呀 

我同里奧大人比 "野人" 呢兩個字吸引住   哈哈   

落樓梯喇   一陣要行番上來就知味道

吹住風   望住海   真係好舒服好舒服     

見到唔知咩石  

諗起越南

見到喇   蜥蝪石   

  

今日見到唔少鷹呢   講到好似個人名 "吳小英" 咁   哈哈 

原來佢咬住條魚㗎   里奧大人影嘅時候都唔知呢 

呢日未完㗎 ^^